GMN TV Economia ADN sei halo pagamentu ba projetu iha progresu ■Governu hein rezultadu KIP

ADN sei halo pagamentu ba projetu iha progresu ■Governu hein rezultadu KIP

0 views

Diretor Jeral Ajensia Dezenvolvimentu Nasional (ADN), Samuel Marçal, hateten, dadaun ne’e, Governu liu husi ADN halo hela verifikasaun ba projetu sira ne’ebé iha ona progresu atu hetan pagamentu, no kontinua halo investigasaun ba projetu sira ne’ebé nia estatutu komplikadu.

Tuir Samuel Marçal, Governu sei selu hotu projetu 142 ne’e, maibé bazeia ba verifikasaun no rekomendasaun husi tékniku sira iha terenu.

“Primeiru Ministru fó ona orientasaun katak, iha projetu balun ne’ebé sei iha prosesu verifikasaun ninian, kontinua nafatin, balu ne’ebé iha progresu ona tenki selu, no balu ne’ebé se iha investigasaun, karik Parlamentu Nasional forma ona Komisaun Inkéritu Parlamentar ne’e karik, ita rona tok”,katak Samuel Marçal ba jornalista sira iha edifisiu MPIE Hudi-Laran Dili, Segunda (01/10), hafoin enkontru ho Primeiru Ministru (PM) Taur Matan Ruak.

Nia haktuir, atu selu ne’e sei iha desizaun husi Konsellu Ministru nian, tanba ida ne’e nivel altu nia desizaun.

“Projetu hotu ne’ebé hetan aprovasaun iha Parlamentu Nasional, ne’e priense hotu kriteriu, maibé ita tenki selu bazeia ba progresu no rekomendasaun no verifikasaun husi tekniku sira iha terenu”,relata Samuel Marçal.

Alende ne’e, Samuel Marçal dehan, Primeiru Ministru, Taur Matan Ruak vizita Ministériu Planeamentu Investimentu Estratéjiku (MPIE) hodi haree servisu ministériu ne’e nian, kona-ba ezekusaun ba infra-estrutura, tanba orsamentu bo’ot tebes mak iha infraestrutura.

Tanba ne’e, Samuel Marçal, dehan, Primeiru Ministru halo vizita ofisial ba MPIE hodi fó ninia pareser kona-ba, oinsa bele servisu hamutuk hodi aselera ezekusaun Orsamentu Jeral Estadu.

“Orsamentu ba infra-estrutura nian ba tinan ida ne’e, nia montante millaun US$370 ne’ebé tenki ezekuta. Ita tau osan ba tempu ezekusaun fulan ha’at nian, maibé ita haree agora hela fulan rua ho balu deit”,relata Samuel.

Tanba ne’e, Primeiru Ministru vizita MPIE hodi haree oinsa mak bele kolabora ho Ministériu Obras Públika, no ministériu seluk ne’ebé mak iha relasaun ho infra-estrutura atu haree oinsa mak forma ekipa ida lalais atu aselera ezekusaun OJE.

Samuel Marçal dehan, ho vizita MPIE apoveita aprezenta rezultadu servisu MPIE , ADN no Komisaun Nasional Aprovizionamentu, Sekretáriu Grande Projetu no Gabinente Planeamentu nian ba PM Taur hodi bele a par di’ak servisu ministériu ne’e nian.

Antes ne’e, bankada FRETILIN iha Parlamentu Nasional, ezije ba meja Parlamentu Nasional atu forma Komisaun Inkéritu Parlamentar hodi halo fiskalizasaun ba projetu 142 ne’ebé deskonfia projetu illegal.cos


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker