GMN TV Economia CRATL promete fo asistensia jurídiku ba CCI-TL

CRATL promete fo asistensia jurídiku ba CCI-TL

0 views

Administrador Compañia de Reprezentação e Advocasia Timor-Leste (CRATL), Duarte Simões Carneiro, promete fo asistensia jurídiku ba emprezáriu nasionál sira ne’ebé mak durante ne'e hamahon-an iha Câmara Comercio e Industria Timor-Leste (CCI-TL), tanba durante ne'e CCI-TL rasik laiha asistensia jurídiku.

"Ami-nia apoiu ba CCI-TL ne'e importante tebes tanba atu fo apoiu jurídiku ba emprezáriu lokal tanba sira presiza, kestaun barak hanesan, bainhira ba banku tenki hatene obrigasaun legal, bainhira asina kontratu, azves asina kontratu ho emprezáriu lokal, joint venture ho emprezáriu estranjeiru dala ruma lahatene obrigasaun jurídiku, importante antes halo negósiu, importante tenki kontaktu CCI-TL atu hetan apoiu jurídiku hodi nune'e bele halo tuir lei, tanba dala ruma mosu problema kona-ba SEPFOPE kontratu ladi’ak, laiha viza no kestaun seluk tan tanba ne'e mak CCI-TL presiza ajuda no ami prontu fo apoiu",Duarte Simões Carneiro ba Jornalista sira iha ACAIT Dili, Sesta (5/10/2018), hafoin asina nota de entendimentu ho Prezidenti CCI-TL, Oscar Lima, hodi servisu hamutuk iha área jurídiku.

Duarte haktuir, objetivu seluk husi asina akordu ne'e mos alende tanba kompriensaun jurídiku kona ba banko, kestaun seluk ne’ebé mak motiva CCI-TL hodi hetan apoiu husi CRATL ne'e mos atu hetan apoiu kona-ba fiskalizasaun pagamentu ne’ebé dala barak hamosu dúvida.

"Kestaun seluk mos kona-ba fiskalizasaun ida ne'e mos importante tebes, tanba TL tenki hatene ema tenki selu impostu fiscal, tanba dala barak ema sempre dúvida kódigu fiskal komplikadu, entaun presiza ajusta. Tanba ne'e mak ami asina akordu ne’e no ami sei servisu hamutuk ho emprezáriu sira no ida seluk mak kona-ba kestaun seguransa sosial ne’ebé mak kestaun foun ne’ebé ema barak sei dúvida no seluk tan ne’ebé ami bele apoiu hodi haree ba kestaun hirak ne'e",dehan Duarte.

Iha fatin hanesan, Prezidenti Câmara Comercio e Industria Timor-Leste (CCI-TL), Oscar Lima, sente kontente tanba ho asina akordu ne'e bele hetan apoiu jurídiku husi CRATL ne’ebé durante ne'e CCI-TL hein.

"Dala barak ami-nia emprezáriu sira hetan problema jurídika, ami labele halo buat ida, tanba ami laiha advogadu ruma atu defende ami em termos jurídiku nian entaun ho asina akordu ne'e ami bele iha ona asistensia jurídiku husi CRATL",dehan Oscar Lima ho kontenti.

Tuir Planu CCI-TL mos sei asina akordu ho Asosiasaun Advogadu Timor-Leste hodi fo apoiu jurídiku ba emprezáriu Timor-oan sira bainhira hasoru problema.Ola


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker