GMN TV Economia OJE 2019 sei liu billiaun US$ 1.3

OJE 2019 sei liu billiaun US$ 1.3

0 views

Orsamentu Jeral Estadu (OJE) tinan 2019 sei liu husi billiaun US$1.3, tanba Ministériu barak mak husu tan orsamentu adisional.

Reuniaun Komite Revizaun Polítika Orsamental ne’ebé hala’o durante loron rua ona iha Ministériu Finansa Aitarak Laran, Díli, ministériu barak mak aprezenta sira nia proposta orsamentu adisional.

Vise Ministra Finansa, Sara Lobo Brites, hateten, objetivu husi reuniaun  ne’e, atu halo revizaun ba Orsamentu Jeral Estadu tinan 2019, antes aprezenta ba Parlamentu Nasional.

Tuir Sara Lobo, katak, proposta adisional ne’e, barak liu aprezenta husi Ministériu Saúde no Edukasaun. Tanba ne’e,  Komite Revizaun Polítika Orsamental konsidera proposta sira ne’e hotu, tanba prioridade VIII Governu nian durante mandate mak, área saúde no edukasaun.

“Orsamentu 2019 posibilidade iha aumentu, tanba ita iha prioridade lubuk ida mak Governu tenki halo, liu-liu iha área saúde no edukasaun, ao mesmo tempo bee moos mós ita tenki tau prioridade, infra-estrutura bázika, eletrisidade no estrada. Tanba ne’e mak orsamentu jeral Estadu 2019 posibilidade iha amumentu”, ba jornalista sira iha Ministériu Finansas Aitarak Laran Dili, Segunda (22/10).

Maibé Sara Lobo Brites, seidauk bele fó númeru ne’e lolos, tanba agora dadauk diskusaun revizaun polítika orsamental sei la’o hela, no sei remata iha loron Sabadu semana ne’e.

Nia esplika, objetivu husi reuniaun ne’e, atu halo revizaun fila fali ba Orsamentu Jeral Estadu 2019 husi Ministériu sira hotu, liu-liu ba proposta adisional ne’ebé mak aprezenta, no ohin (horseik), diskuti liu iha área sosial nian, no sei kontinua nafatin ho veteranu, tanba ida ne’e parte ida husi Ministériu sosial nian, depois mak sei tama iha área ekonomia nian.

“Ministériu sira ne’ebé diskuti tiha ona ne’e, maioria iha proposta adisional, liu-liu Ministériu Edukasaun no Saúde, tanba saúde nian ne’e atu kobre Hospital Nacional Guido Valadares, Laboratóriu Nasional, SAMES, Institutu Nasional Saúde”, relata Sara Lobo.

Nia afirma, iha reuniaun ne’e, komisaun haree no hola konkluzaun katak, sei fó prioridade ba proposta sira ne’e hotu, hodi fó fali ba tékniku sira atu revé fali molok atu aprezenta nia montante final.

Reuniaun Komite Revizaun Polítika Orsamental, Prezidenti Komisaun mak Primeiru Ministru, no membru Komite mak Ministru nain tolu hanesan, Ministru Estadu Prezidensia Konsellu Ministru, Agio Pereira, Obras Públika, Salvador Soares dos Reis Pires, Ministru Agrikultura, Joaquim José Gusmão dos Reis Martins, Ministru Reforma Lejizlativa no Asuntu Parlamentares, Fidelis Magalhães, no Sekretária Estadu Igualdade no Inkluzaun, Maria José da Fonseca Monteiro de Jesus.cos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker