Xefi Nogosiador Principal Fronteira Marítima, Kay Rala Xanana Gusmão, sesta (26/10), partisipa iha Reuniaun Komite Revizaun Polítika orsamental ne’ebé hala’ao iha Ministériu Finansas Aitarak Laran Dili.
Iha oprtunidade ne’e, Kay Rala Xanana Gusmão, halo aprezentasaun ba komite revizaun orsamental, kona ba planu jeral orsamentu Fronteira Marítima nian (FM).
Maibé hafoin aprezentasaun, Xanana gusmão rejeita atu fó sai montante orsamentu hira mak nia propoint ba Orsamentu Jeral Estadu 2019.
“Ha’u mai ko’alia kona ba orsamentu Fronteiras Maritimas ninian, hanesan instituisaun Estadu nian hotu. Ha’u labele dehan kedas nia montante agora, kuandu diskuti iha Parlamentu Nasional mak imi (jornalista sira-red) ba haree. Ami mai defende saida mak ami tau, programas no buat sira ne’e hotu, tanba Ministériu hotu liu husi komite revizaun orsamental ne’e,” katak Xanana Gusmão ba jornalista sira iha Ministériu Finansas Aitarak Laran Dili.
Xanana hatutan, Komite Revizaun Orsamental rona ona aprezentasaun ne’e, no sira mak sei deside.
“Maibé saida mak ami tau, ami aprezenta tiha ona iha komite revizaun orsamental. Ami mai esplika ba komite revizaun kona ba orsamentu item ida ne’e atu halo saida no ida ne’eba atu halo saida,” relata Xanana Gusmão.
Eis komandante em xefe FALINTIL iha tempo resistensia nee hatutan, nia seidauk bele fó montante hira mak nia propoin ba Orsamentu Jeral Estadu 2019, tanba proposta OJE 2019 sei lori ba diskuti iha Parlamentu Nasional.cos
