Vise Prezidente Camara Comercio Industria Timor-Leste (CCI-TL), Julio Fernandes, informa, Orsamentu Jerál Estadu (OJE) kada tinan, ne’ebé hetan aprovasaun husi Parlamentu Nasionál no promulga husi, Xefe Estadu, valor bo’ot mak sirkula ba nasaun estranjeiru hodi fó impaktu negativu ba ekonomi rai laran.
Tanba ne’e, Governu presiza halo polítika no estratéjia ne’ebé di’ak no tenke hamosu industria doméstiku no orienta setór privadu hirak ne’ebé mak eziste iha rai laran, hodi trava sirkulasaun osan ba liur.
“Camara Comersiu Industria (CCI) haree hodi halo asesment ida mais ou menus kada tinan orsamentu jerál estadu ne’e parlamentu aprova depois prezidente promulga ne’e totál hira maka hela iha ne’e, no fim ami identifika katak bo’ot liu mak sulin ba liur ami iha dadus por volta 843 milloens sulin hotu ba liur, parte CCI haree katak sé osan ne’e tinan-tinan sulin ba liur ekonomia ne’e sei la’o ladiak, ita iha hanoin oinsa mak ita trava osan ida 843 ne’e, la’os ita trava dala ida maibé pelumenus oinsa ita iha hanoin hahú trava oituan-oituan ami nia tarjetu sei nia trava to’o 51% automátikamente ekonomia sei la’o di’ak”,deklara, Vise Prezidente CCI-Tl, Júlio Fernandes, iha programa grande entrevista, iha studio II GMN Bebora, Segunda (05/10).
Persentajen ekonomia Timor-Leste ni’an, tun ba porsentu 6 tuir relatóriu banku sentrál Timor-Leste hatudu, tanba situasaun polítika ne’ebé durante ne’e la’o iha rai laran no mós impaktu husi surtu COVID-19. Ina
