Governu liu Konsellu Ministru (KM) aprova preliminar ba tetú agregadu no dezagregadu, ba Orsamentu Jeral Estadu (OJE) 2021, ho montante billiaun USD 1,895 tuir rezultadu analize global ba submisaun setorial ne’ebé Komite Revizaun Orsamentu Politiku (KROP), hakotu ona iha Tersa (29/09).
“Ministériu Finansas (MF) aprezenta tetú OJE ba tinan 2021, kakuluk ba OJE 2021, hafoin rona deliberasaun sira husi sub komite no KROP no iha ona, tetú ida ne’ebe define ona ho montante billaun USD 1,895,” dehan, Ministru Prezidensia Konsellu Ministru, Fidelis Leite Magalhães, iha Palásiu Governu, Kurta (30/09/2020).
Governante ne’e esplika, orsamentu ne’e sei preliminar hela, maibé tekniku sira haree hela montante ida ne’e, atu nune’e bele iha reniaun tuir mai bele halo desizaun definitiva ba OJE 2021.
Nia subliña, MF halo hela esforsu ida atu nune’e bele hatama OJE 2021, ba Pralamentu Nasionál tuir kalendariu ne’ebé, aprova ona iha KM iha loron 15 fulan Outobru 2021.
“Durante semana ida liu ba, iha ezersisiu lubuk ida, ne’ebé komite no KROP mós halo, iha prosesu hirak ne’e identifika no ta’es loloos, nesesidade ita ni’an no reflete mós prioridade dezenvolvimentu, no rekupera ekonomia, ne’ebe enkursu ho ida ne’e iha alterasaun ba tetú,” tenik Fidelis.
Fidelis afirma, tetú ne’ebé Governu define ona billaun USD 1,895 ne’e, reflete ona programa dezenvolvimentu, TL ni’an ba 2021 maibé ida ne’e seida’uk final, tamba tekniku sira sei halo ajustamentu no tempu tuir mai sei halo aprovasaun.
Governu aprova DOT ba fulan Outobru Tokon USD 117,7
Nune’e mós, Governu liu husi Konsellu Ministru (KM) aprova, Dotasaun Orsamentu Temporariu (DOT), ba fulan Outubru ho montante tokon USD 117,7.
“KM aprova proposta deliberasaun ne’ebe aprezenta husi, Ministra Finansas Sara Lobo Brites, relasiona ho tetú final ba DOT ba fulan Outobru, ho montante tokon USD 117,1,” dehan, Minsitru Prezidensia Konsellu Ministru, Fidelis Leite Magalhães, iha Palásiu Governu, Kurta (30/09/2020).
Governante ne’e esplika, DOT ba fulan Outubru ne’e, inklui mós pagamentu ba emprestimu sira no DOT ba fulan Setembru, ne’ebe KM aprova iha loron (02/09/2020), ho montante tokon USD 119,6. Cin
