GMN TV Economia Alfándega seidauk halo mudansa selu taxa

Alfándega seidauk halo mudansa selu taxa

56 views

Diretór Jerál Alfándega, José Abílio, klarifika, servisu Alfándega seidauk halo mudansa ruma kona-ba taxa ba empreza ne’ebé importa sasan nesesidade báziku sira.

Tanba lei númeru 08/2008, kona-ba ‘Lei Tributária’ nian ne'e sei iha hela prosesu revizaun nia laran no seidauk aprezenta iha Konsellu Ministru, nune’e empreza no operadór ekonomia sira kontinua selu taxa normál ka porsentu 2.5 tuir lei tributária ne’e.

“Seidauk halo revizaun, ne’ebé taxa ne’e seidauk halo alterasaun ba taxa ida, taxa sei nafatin hela, ita sei la’o ho porsentu 2.5, ne’ebé ita seidauk iha alterasaun ba taxa, ne’ebé sira hasa’e ne’e ha’u lahatene sira seluba iha ne’ebé Alfándega seidauk kobre taxa, taxa ne’ebé Alfándega kobre ne’e normal seidauk iha persentajen foun ida atu hasa’e,” konfirma Diretór Jerál Alfándega ba GMN Kinta (08/10), iha Díli.

Kona-ba mudansa presu sasan nesesidade bázika iha loja balun iha Díli, Alfándega la hatene nia kauza husi ne’ebé.

Foin lalais ne’e trabalhadór iha Loja Atoni Belo no Amadeu Belo iha Taibessi dehan, empreza distribuidór sira hatama sasan ne’e selu taxa ba autoridade Alfándega aumenta, nune’e sira mós hasa’e folin sasan nesesidade báziku ba loja sira ne’ebé sira distribui sasan ba.

No parte Autoridade Inspesaun no Fiskalizasaun Atividade Ekonómika Sanitária no Alientár, Institutu Públiku (AIFAESA,IP), husu ba empreza distribuidór ka operador ekonomia sira informa uluk ba AIFAESA molok hasa’e folin sasán.

Tuir lei, operador ekonomia sira ne’ebé inventa folin sasan sei selu multa mínimu husi rihun USD 1 to’o rihun USD 10, no sei hetan pena tinan tolu, tanba kontra dekretu lei númeru 23/2009 artigu 13 alinea A kona-ba presu justu.Ina


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker