GMN TV Capital Sasán nesesidade báziku iha Díli folin sa’e

Sasán nesesidade báziku iha Díli folin sa’e

70 views

Sasán nesesidade báziku sira hanesan, bebidas, mina, supermie no trigu  folin  aumenta husi dolar ida to’o dolar rua-resin, tanba taxa kompañia distribuidór sira selu ba Estadu sa’e maka’as, nune’e sira tenke aumenta folin sasán.

“Cinco litru iha ne’e, ami fa’an ida enam dolar tujuh pulu lima-cent, baibain ami fa’an lima dolar resin de’it, husi agen mak sa’e tanba sira dehan selu taxa mak karun, tanba dehan hasa’e sasán folin ka la hatene tanba dehan taxa uluk selu duapuluh lima dolar, maibé agora sa’e ba lima-puluh no tujuh puluh lima dolar kada kontentór,” dehan Traballadóra Loja Amadeu Belo, Joanita Maria Soares ba JNDiário, iha Taibesi, Kuarta (06/10).

Folin sasán iha loja refere aumenta kuaze fulan ida resin ona, ho folin sasán nesesidade báziku aumenta ne’e, halo kompradór sira mós duvida ho folin sasán, maibé ne’e la’ós parte loja mak hakarak aumenta folin sasán, maibé husi kedas ajénsia distribuidór sira.

Agora folin sasán sa’e maka’as loos ne’e mak parte nesesidade báziku mina no sasán rahun hanesan iha kaixa ne’e mak bebida sira ne’e agora sa’e maka’as nia sa’e skuaze to’o ona dolar rua ka tolu.

“Sai fatór ida ne’ebé ema langanan sira atu mai hola mós diak ida duvida tanba folin ne’e ami mak hasa’e ka agen mak hasa’e, sira dala-barak husu maibé sira la fiar sira hanoin ami mak hasa’e folin ne’e, maibé realidade ne’e agen mak hasa’e folin ne’e mak agen hasa’e folin oinsá ami halo tuir de’it,”dehan Traballadór Loja Atoni Belo, Jaime Siqueira Leite.

Diretór Operasaun Autoridade Inspesaun no Fiskalizasaun Atividade Ekonómika Sanitária no Alimentár, Institutu Públiku (AIFAESA,IP), Gabriel da Costa, sujere, kompañia distribuidór sira bainhira taxa ne’ebé sira selu ho presu ne’ebé bo’ot, sira tenke informa antes ba AIFAESA molok sira hasa’e folin nesesidade bázika.

“Folin ne’e sira hasa’e bazeia ba Nasaun orijin ne’ebé sira hatama foos liu-liu ba produtu alimentár sira hatama mai husi nasaun orijin sira haree katak, folin sa’e sira hasa’e, no sira haree mós transporte no ró ahi ne’ebé mak sira tula mai, tanba folin sa’e depois taxa, nune’e ami husu parte distribuidór hatete antes mai AIFAESA nune’e AIFAESA bele haree ida ne’e, se la-fó informasaun mai AIFAESA no sira hasa’e folin tuir sira nia hakarak, ida ne’e AIFAESA sei la konsidera,” konfirma Diretór Operasaun ne’e.

Antes ne’e, AIFAESA hala’o inspesaun, deskobre katak, folin nesesidade báziku sira kontinua la’o normál.Axs


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker