GMN TV Economia CAFI indetifika projetu 46 laiha kontratu

CAFI indetifika projetu 46 laiha kontratu

0 views

Conselho de Administração do Fundos de Infrasestructuras (CAFI), identifika total projetu 143 nebe sai dívida Estado nee iha projetu 46 mak laiha kontratu servisu no projetu 15 maka kategoria emergensia.

Ministru Obras Publikas , Salvador Soare Pires, hatoo lia hirak nee ba Jornalista JNDiario, Tersa (06/11) iha Palacio Governu, Díli relasional ho relatoriu CAFI ninian nebe goverante nee simu.

 “143 projetu ne’e, so 46 maka seidauk iha kontratu husi numeru ne’e, iha projeto 15 maka kategoria emergensia ne’e tuir relatório husi Konsellu Administrasaun Fundus Infraestrutur (CAFI), maibe hein rezultadu husi komisaun inkeritu parlamentar,” hateten, Ministru Obras Publikas, Salvador Soares Pires ba GMN iha Palasio Governu, Dili.

Governante ne’e hatutan, total projetu 143 ne’e projetu hamutuk 96 maka iha kontratu, hafoin inspeksaun husi ekipa tekniku no verifika husi Ajensia Dezenvolvimentu Nasional (ADN).

“Husi projetu sira ne’ebe iha, projetu ne’ebe iha kontratu hamutuk 96, husi projetu sira ne’e ami haree kompañia halo ho kualidade no tuir desenho, hafoin inspeksaun husi ekipa tekniku no verifika husi ADN, ne’ebe ami haruka ona ba grande projeto hodi halo pagamento,” dehan Salvador S. Pires.

Nia  hatutan, Governu maka nain ba projetu, tanba ne’e sira sei aprova, no halo pagamento, kuandu tuir hotu ona baze legal.

“Hanesan nain ba projeto ami aprova, ba sira ne’ebe seidauk iha kontratu sei hein hela, tanba dadaun ne’e Parlamentu Nasional harii ona Komisaun Inkeritu Parlamentar atu haree projetu sira ho estatus laiha kontratu. To’o agora seidauk halo pagamento, iha ona lubuk ida tama ne’ebe ami sei prosesa hela, hau la fiksa numeru hira, dadaun okupadu ho OJE 2019 ne’ebe pedidu pagamento tama mai hau haruka hau nia tekniku sira halo uluk avaliasaun,” esplika Salvador S. dos R. Pires.

Antes ne’e mos, Diretor Ajensia Dezenvolvimentu Nasional (ADN), Samuel Marçal, hateten, ADN rekomenda ona projetu ne’ebe sira halo inspeksaun ba Governu. No projetu hirak ne’ebe ADN rekomenda ba Governu atu halo pagamento total osan hamutuk US$ 20 milhoens.

Entretantu projetu hirak ne’ebe maka sei selu ho OJE 2018 hamutuk 143 kompostu husi edefisiu, ponte, no estrada. mia


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker