GMN TV Economia Roménia hakarak koopera ho TL iha parte ekonomia

Roménia hakarak koopera ho TL iha parte ekonomia

0 views

Enviadu espesiál Prezidente Roménia, Daniela Gîtman, hatete, Roméni sei hakarak servisu hamutuk ho Estadu Timor-Leste, iha parte ekonomia no negósiu.

Lia hirak ne’e hato’o husi  Embaixadora  Roménia,   Daniela Gîtman, ba  jornalista sira  hafoin  enkontru ho Prezidente Repúblika Timor-Leste, iha Palásiu Prezidensial Bairo-Pite, Díli, Tersa (13/11/18).

Daniela Gîtman, senti onradu  tebes   wainhira hala’o enkontru ho  Xefe Estadu  Francisco Guterres ‘Lú Olo’.

Durante  enkontru ho PR Lú Olo, Enviadu espesiál Prezidente Roménia ne’e  koalia liu kona-ba oinsa atu hametin relasaun  bilateral atu iha diálogu moris liu tan   ho intensaun mak atu servisu hamutuk entre nasaun rua.

“Ami iha diskusaun ida ne'ebé di’ak tebes ho Prezidente Timor-Leste, tanba ami mai atu diskuti, tantu prosesu hametin ita nia relasaun bilaterál, sidade atu iha diálogu polítiku ne'ebé moris liu tán. Ami nia intensaun mak atu servisu hamutuk iha projetu ekonomia no negosiu, no kooperasaun ekonómiku. Ami hato'o ba Prezidente kona-ba projetu barak ne'ebé ami hanoin kona hodi bele haforsa konektividade entre Roménia no Timor-Leste, maibe mos entre Europeia no Sudeste Aziátiku”,  afirma Enviadu espesiál Prezidente Roménia, Daniela Gîtman.

Alende ne’e Enviadu espesiál Prezidente Roménia ne’e mos dehan,  Roménia  hakarak  atu hametin konektivdade iha IT, peskiza no dezenvolvimentu,  kultura, edukasaun no mós asuntu infra-estrutura sira.

“Ami kontente tebes ho rezultadu pozitivu husi ami nia diskusaun, ha’u hasoru estadista ida ne'ebé iha vontade atu promove projetu sira Timor nian, no importante atu foka ba dimensaun ekonómiku husi ita nia kooperasaun. Ami mós koalia iha konversasaun ida ne'e, importansia atu hametin relasaun no diálogu entre Timor-Leste no Uniaun Europeia”,tenik Daniela Gîtman.

Nia orgullu katak, Roménia sei hola papel prezidensia ba konsellu uniaun europeia hahú husi Janeiru tinan 2019.

Daniela Gîtman dehan, Timor-Leste mak nasaun ne'ebé afetadu liu husi mudansa klimátika.

“Ami komprende efeitu, konsekuensia no efeitu dramátiku husi aumentu iha nivel tasi, tempestade oioin, be sa'e no nesesidade atu prezerva meiu ambiente no proteje ambiente, proteje ita nia nasaun husi konsekuensia dramátika sira ne'e, no ami iha ne'e ho ami nia péritu no enjiñeru sira atu hare dalan kooperasaun hodi nune'e ita nia nasaun rua ne'e bele implementa projetu hirak ne'e ba benefisiu ita nia nasaun rua ne'e”,dehan   Daniela Gîtman.

Nune’e mos iha ekontru  ho Prezidente Republika koalia mós kona-ba importansia atu habesik liután europeia ho sudeste aziátiku.

“Ami konvida Prezidente Repúblika atu bele vizita Roménia. Ami enfaze katak tinan oin Roménia sei halo enkontru entre ministru edukasaun sira husi sudeste aziátiku no europeia iha Bucharest (Kapital Roménia), tan ne'e ami espera katak sei iha delegasaun ida husi Timor-Leste, tanba laiha dimensaun importante seluk atu halo koneksaun entre ema ba ema se la'os edukasaun, no koñese malu diak liután, no bele iha estudante sira ne'ebé bele ba Roménia no fila fali mai”, dehan  Daniela Gîtman.avi


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker