Ministru Estadu Koordenadór no Asuntu Ekonómiku Interinu Fidelis Magalhães no Trade Invest aprezenta ona prosposta akordu Espesiál Investimentu entre Estadu Repúblika Demokrátika Timor-Leste ho Pelican Paradise Group Lda, iha Konsellu Ministru.
“Projetu Pelican Paradise ne’e realiza atu fó servisu ba joven dezempregu sira ,tamba projetu laos kikuan ,maibé projetu bo’ot nune’e sei fó oportunidade lubuk ida ba joven dezempregu hodi hala’o servisu iha konstrusaun ne’e depois de konstrusaun mós” Ministru Estadu Prezidensia Konselu Ministru Agio Pereira ,hato’o lia hirak ne’e iha Palásiu Governu,Kuarta (20/11).
Ministru Estadu Prezidensia Konselu Ministru Agio Pereira ,hatete,projetu ida ne’e preve investimentu ida ho valor millaun USD 700, ne’ebé sei konstroi iha Zona Tasi Tolu ho rai nia luan hektare 550.
Agio Pereira esplika Konstrusaun projetu Pelican Paradise ne’e sei inklui ho unidade oteleira, kampu golf,lote rezidénsia,sentru dezenvolvimentu ba foinsa’e, eskola internasionál, hospital internasionál no sentru komersiál.
Kompleksu turístiku ida ne’e sei permite hari’I postu traballu besik Rihun Lima Atus Lima iha faze konstrusaun nian.Aleinde postu traballu permanente Rihun Ida Atus Tolu, hafoin konstrusaun no mós permite halo florestasaun husi porsentu Ualu Nulu husi area projetu nin.Tos
