Ministru Koordenadór Asuntu Ekonómiku (MKAE), Joaquim Amaral, informa, atribuisaun sesta bázika Rejiaun Administrativa Espesiál Oe-Cusse Ambeno (RAEOA) ne’e Governu fó kompeténsia ba Prezidente RAEOA hodi realiza programa sesta bázika, tanba Governu aloka ona orsamentu USD tokon 4 ba programa refere.
“Pelumenus 4 milhões ida, tanba Oe-Cusse goza ninia otonómia hanesan Rejiaun Espesiál tuir konstituisaun, horiseik dia 12 ha’u halo ona asina memorandu entendimentu ida atu fó kompeténsia ne’e tomak ba sira, para sira bele hala’o sira-nia programa ho ezekuta sira-nia orsamentu”, MKAE ne’e iha Baucau, Sábadu (14/11/2020).
Rekuperasaun ekonómia ne’ebé Governu implementa liu husi programa sesta bázika lansa ona iha postu administrátivu Metinaro, munisípiu Díli, ih Sesta, loron 27, fulan Outobru liu ba.
Programa fahe sasan bázika ba kada populasaun iha teritóriu Timor-Leste NE’E ho montante USD 50 kada sidadaun no programa ne’e implementa ona iha munisípiu tolu hanesan Díli, Bobonaro no Covalima.
Tipu nesesidade bázika ne’ebé tama programa Oitavu GOVERNU mak hanesan foos-rai, koto, manu, manu-tolun, susubeen, kafe, masi-midar, forai, fore mungu, lis, repollu, pateka no seluk tan.
Total orsamentu ne’ebé Governu aloka ba programa sesta bázika ba kada sidadaun ida iha teritóriu tomak ho montante USD tokon 70 resin. ina
