Vise Ministra Finansas (MF), Sara Lobo Brites, relata, antes ne’e Governu uza Dotasaun Orsamentu Temporáriu (DOT), maibé iha fulan Novembru ne’e programa aprova ona, nune’e iha mudansa husi DOT ba fali fundu COVID no dau-daun ne’e fundu COVID ne’e ezekuta ona pursentu 38.
“Parlamentu Nasionál (PN) aprova primeira tranferénsia aloka ba fundu COVID-19 hamutuk USD tokon 150, hodi aloka ba finansiamentu medida prevensaun no kombate moras COVID-19 no PN aprova segundu transferénsia estraordináriu USD tokon 286,6 atu reforsa kofre Estadu hodi finansia servisu administratasaun públika USD tokon 168,8 antesipa despeza hasoru COVID-19 no rekuperasaun ekonómiku USD tokon 100, husi orsamentu ne’e Governu foin ezekuta de’it fundu COVID-19 38,4%. PN aprova primeiru transferénsia fundu COVID-19 Governu ezekuta ona pursentu 58.1 ho montante inísiu ne’ebé aprovadu iha 220 milhões, ho aumenta aprova iha tinan 2020 fundu COVID-19 iha presimu ida por volta 113 milhões. Ho ida ne’e afeita mós nia persentajen iha ezekusaun ne’ebé ita bele haree relatóriu ne’ebé ami haruka ona mai komisaun C atinji de’it pursentu 38.4. Tanba ita iha ona fulan Novembru programa aprovadu OJE 2020 refere ba iha implementasaun sesta bázika”, Vise MF hato’o asuntu ne’e bainhira hala’o audénsia públika ho komisaun E no C iha PN, Sesta (13-11-2020).
Sara esplika, iha progresu ezekusaun fundu COVID-19, loloos ne’e seidauk iha mudansa barak iha fulan ne’e nia-laran, tanba aserta mós Ministériu Finansas lori tempu uitoan hodi atualiza sistema depois aprova OJE.
“Atividade sira ne’ebé mak hala’o dau-daun seidauk afeita despeza COVID-19, maibé atividade la’o hela, hanesan implementasaun sesta bázika bazeia ba akordu ne’ebé ministériu implementadór sira halo ho parseiru sira, hodi hahú dau-daun ninia atividade afeitasaun ba iha despeza seidauk rejista pagamentu ruma ba atividade sira ne’e, tanba sei iha hela faze implementasaun laiha progresu signifikativu ba iha fundu COVID-19. Dau-daun ne’e atividade sira ne’e progresu balun em curso hela pagamentu ba iha uma-kain 100, Ministériu Finansas simu ona proposta pagamentu subsídiu remuneratóriu MTCI, pesoál esgotu tasckforce sira no seluk tan. Saldo ba fundu nian 94 milhões, seidauk inklui 113 milhões ne’ebé aprova iha tinan 2020, seidauk halo levantamentu 113 milhões saldo existente husi 220 milhões iha periódu duadesimu nian”, tenik Vise MF ne’e.
PN aprova fundu COVID-19 iha faze primeiru hamutuk USD tokon 150, hodi aloka ba finansiamentu medida prevensaun no kombate COVID-19. Aprova pedidu levantamentu ba segundu faze hamutuk USD tokon 200 resin, hodi reforsa kofre Estadu, finansia servisu administratasaun públika USD tokon 100 resin, antesipa despeza hasoru COVID-19 no rekuperasaun ekonómiku USD tokon 100 no oras ne’e fundu COVID-19 hela USD tokon 94. ety
