GMN TV Capital Empreza rihun 3 resin hakarak investe iha TL

Empreza rihun 3 resin hakarak investe iha TL

636 views

Diretór Ezekutivu, Servisu Rejistu no Verifikasaun Empresariál, Institutu Públiku (SERVE.IP), Florençio Sanches,  deklara, instituisaun refere simu ona pedidu husi empreza Timor-oan no estranjeiru hamutuk 3.700 hakarak investe iha Timor-Leste (TL).

“Novu empreza foun, númeru sa’e makas tebes, mesmu surtu covid-19, maibé empreza sa’e, tanba serve sempre hatete katak lalika taka kompañia, entaun foun ne’e mak 3.700. Fulan Outubru ne’e númeru kapas, númeru kapas ida fali mak númeru taka empreza tun maka’as tebes,” katak Florençio Sanches, ba GMN iha nia knar fatin Hudi Laran, Kinta (04/11).

Husi númeru ne’e, porsentu 90 empreza nasionál no porsentu 10 empreza husi estranjeiru. Empreza ne’ebé submete pedidu hodi hala’o atividade ekonomia iha TL ne’e, sei investe iha área agrikultura, turizmu, restaurante no seluk tan.

Pedidu ne’ebé SERVE.IP simu, kona-ba empreza atu taka sira-nia atividade ekonomia tuun maka’as, kompara ho tinan kotuk.

Antes ne’e empreza 100 resin mak deside hapara atividade permanente, maibé iha fulan Janeiru tinan ne’e númeru tuun ba 12, Fevereiru 5, Marsu 3 no hahú husi fulan Abril númeru zero.

Sidadaun estranjeiru kontribui reseita porsentu 80 ba TL

Alénde empreza sira ne’e atu investe iha TL, Diretór Ezekutivu SERVE.IP, ne’e mós relata, sidadaun estranjeiru sira kontribui reseita porsentu 80, ba ekonomia rai laran.

Kontribuisaun ba ekonomia rai laran ne’e, liu husi reseita bainhira sidadaun estranjeiru aluga ótel, apartamentu no han iha restaurante hirak ne’ebé eziste iha kapitál Díli no Munisípiu.

“Ema estranjeiru kontribui 80 porsentu ekonomia, tanba sira ba só para fa’an sira nia matan loron 2 no 3 fila kada ema ida gasta USD 500 dolar ida bo’ot tebes ita nia kuartu no ótel sira bele hola modo no tomate sira ne’ebé fa’an iha loja sira sosa para halo modo sira han, bus mikrolete sira bele utiliza mina se karik ita benvindu ema estranjeiru millaun ida tinan ida mak gasta de’it USD 500, ita multiplika ne’e orsamentu bo’ot tebes,” dehan, Diretór Ezekutivu SERVE.IP.

Nia sujere ba Governu, atu simu sidadaun estranjeiru sira ne’ebé hakarak tama mai rai laran, tanba númeru positivu COVID-19 menus dadaun. No Governu presiza fó prioridade ba setór privadu, ne’ebé durante ne’e halo ona investimentu iha parte Industria, Agrikultura, Turizmu no seitór seluk tan.Ina 


Banner

Foto

Notisia Ikus

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...

Kazu óbitu Dengue sa’e ba na’in 9, Governu "falla" iha atendimentu

January 19, 2022
[caption id="attachment_59030" align="aligncenter"...

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...
1 2 3 682

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker