GMN TV Economia LH: Ezekusaun OJE kiik, tanba Governu laiha planu prioridade

LH: Ezekusaun OJE kiik, tanba Governu laiha planu prioridade

71 views

Organizasaun Naun Governamentál, La’o Hamutuk (LH), konsidera, ezekusaun Orsamentu Jerál Estadu (OJE) tinan 2021 nian kiik liu, tanba Governu laiha planu prioridade.

Tanba ne’e mak taxa ezekusaun to’o loron (22/11) ne’e, foin atinje porsentu 61.7, husi OJE 2021 billiaun USD 1.895, no Orsamentu Retifikativu (OR) millaun USD 223.8.

“Besik fulan Novembru nia rohan ona mós ezekusaun foin mak 61 porsentu, ne’e tanba laiha prioridade ne’ebé Governu hatúr inklui laiha planu serteza, tanba sa? tanba durante ne’e tuir La’o Hamutuk nia haree katak, barak liu mak sira mai ho retórika polítika inklui ho ambisaun polítika ne’ebé sira hatúr, maibé kompromisiu saida mak sira hato’o ba iha públiku kona ba oinsá atu eleva ema hotu nia moris, povu ki’ik sira nia moris ne’e,” dehan Peskizadóra LH, Elizária Febe Gomes, iha nia knaar fatin, Bebora-Díli, Segunda (22/11).

Tuir portal transparénsia Ministériu Finansa hatudu, taxa ezekusaun OJE 2021 nian, husi instituisaun Governu besik 90, iha instituisaun ne’ebé nia taxa ezekusaun ki’ik mak hanesan, Institutu Para a Qualidade de Timor-Leste (IPQTL) nia ejekusaun foin atinje porsentu 15, hosi orsamentu alokadu millaun USD 1,378,069.00.

Komisaun ba Administrasaun Fundu Infraestrutura (KAFI) nia taxa ezekusaun foin atinje porsentu 18.6, husi orsamentu alokadu millaun USD 280,891,554.00.

Tuir fali mak Rejiaun Autónomu Espesiál Oe-cusse Ambeno (RAEOA), nia taxa ezekusaun foin atinje porsentu 19.4, husi orsamentu alokadu millaun USD 97,756,688.00.

No instituisaun Estadu ne’ebé nia taxa ezekusaun OJE boot liu mak Ministériu Petróleu no Rekursu Minerais (MPRM), nia taxa ezekusaun atinje porsentu 98.4, husi orsamentu alokadu 79,583,157.84.

Tuir fali mak Ministériu Obras Públika (MOP), iha ne’ebé porsentu ezekusaun atinje porsentu 93.7, husi orsamentu alokadu millaun USD 234,511,942.00.

No tuir kedas Komisaun Nasionál Eleisaun (CNE-sígla portugés), nia taxa ezekusaun atinje ona porsentu 93.3, husi orsamentu alokadu millaun USD 8,368,892.00.

Ba instituisaun Estadu sira seluk, nia porsentu ezekusaun foin atinje husi porsentu 32 to’o porsentu 80 resin.Ags


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker