GMN TV Economia ONU sujere ba Governu TL kontinua implementa subsídiu agregadu familiár

ONU sujere ba Governu TL kontinua implementa subsídiu agregadu familiár

348 views

Koordenadór Rezidente ONU iha Timor-Leste (TL), Roy Trivedy, rekomenda ba Governu, kontinua implementa subsídiu ba uma-kain sira. Tanba tuir ONU nia relatóriu peskiza hatudu, uma-kain porsentu 52 iha nasaun ne'e maka enfrenta situasaun vulneravel husi pandemia COVID-19.

“Injesaun direta ho osan hanesan subsídiu ba uma-kain sira, nu’udar apoiu emerjénsia ne’ebé popular no presiza tebes, liu hosi utilizasaun eskema protesaun sosiál ne’ebé bele sai nu’udar meus efetivu hodi atinje to’o ba grupu sira ne’ebé vulneravel liu, Governu tenki kontinua implementa modalidade sira hanesan eskema servisu tempu badak (osan ba servisu) no estabelese no hamenus konsekuénsia eskluzaun ne’ebé la planeia,” rekomenda Koordenadór Rezidente ONU iha TL ne’e, hafoin lansa relatóriu análiza impaktu sosiu-ekonómiku husi COVID-19, iha Hotel Timor, Tersa (09/11).

Husi relatóriu ne’e hatudu, porsentu 70 ema ne’ebé simu apoiu sente kontente, maibé hatudu mós katak, barak maka la konsege asesu ba iha apoiu ne’ebé Governu fó.

Primeiru Ministru Taur Matan Ruak, hatete, Governu konsiente ho problema ne’ebé akontese, no kria ona medida balun hodi prevene no kontribui ba rekuperasaun ekonómika.

Governu sei servisu hodi diversifika ekonomia, no Governu mós hakarak apoia komunidade hodi asesa informasaun kona-ba apoiu sosiu-ekonómiku.

Governu mós identifika katak, Produsaun Internu Bruto nasaun nian monu, entaun prosesu kombate hasoru ki’ak no hamlaha mós paradu, konsekuénsia husi COVID-19,” tenik Taur Matan Ruak.

Relatóriu ne’e mós hatete, dezigualmente riku-soin no vulnerabilidade sosiál entre munisípiu sanulu iha nasaun ne’e, riku-soin ne’e konsentra iha Díli ho porsentu 6.8.

Estatutu vulnerabilidade sosiál uma-kain nian iha relasaun besik liu ho vulnerabilidade ekonómiku porsentu 52.1 entre uma-kain vulneravel liu iha porsentu 39.1, no uma-kain sira ne’ebé ladun vulneravel iha porsentu 34.4.

Rejultadu husi relatóriu ne’e, feto sira iha posibilidade bo’ot liu duke mane sira ba kategória sosialmente vulneravel, no feto isin-rua no fó susu posível liu sei sai ki’ak, ba feto sira kompostu husi porsentu 56.3, husi membru uma-kain ne’ebé vulneravel liu kompara ho porsentu 43.3, mane respondente sira relata porsentu 3.0.

Konsiténsia ho peskiza nasionál foin lalais ne’e, porsentu 16.8 husi uma-kain hotu lidera husi feto sira, persentajen feto ne’ebé a’as liu mak Munisípiu Lautém no Baucau, ne’ebé liu porsentu 20 husi uma-kain sira lidera husi feto.

Uma-kain ho ema ferik katuas sira iha oportunidade a’as liu atu sai ki’ak, no ema ho difisiénsia sira hetan reprezentasaun ezajera husi segmentu sosiedade sira ne’ebé ki’ak liu.

Iha fulan Juñu no Juilu tinan 2020, ONU iha TL hala’o uluk avaliasaun ba impaktu sosiu-ekonómiku iha munisípiu lima mak hanesan, Díli, Baucau, Bobonaro, Viqueque no Oecusse. ONU halo servisu ne’e hodi tulun Governu, parseiru dezenvolvimentu no sosiedade sivíl, hodi responde ba pandemia no planu rekuperasaun ekonómika.eni


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker