GMN TV Economia TL iha “problema” ho despeza públika

TL iha “problema” ho despeza públika

1,063 views

Relatóriu peskiza husi Banku Mundiál katak, revizaun despeza públiku no kresimentu ekonómika Timor-Leste la’o neineik liu. Dadaun ne’e nasaun ne’e nia taxa despeza públiku a’as liu iha mundu ho porsentu 90 husi Produtu Internu Bruto (PIB).

Reprezentante Banku Mundiál iha Timor-Leste (TL) Bernard Harborne, hatete, nasaun ne’e susesu iha kriasaun fundu rezerva husi mina-rai no gas ne’ebé hanaran fundu petrolíferu. No mina-rai ho gas ne’ebé TL iha, loron ida sei hotu.

Banku Mundiál mós rekomenda ba Governu uza rekursu nasaun nian ho kuidadu, nune’e sustenta no diversifika ekonomia iha rai-laran, no uza reseita sira ho maneira ne’ebé efisiensia no efikasia, hodi hadia despeza públika.

“Ami-nia rekomendasaun ba Governu mak presiza hadia kualidade despeza públiku, hodi hasa’e reseita doméstika, despeza ne’ebé diak mak iha área saúde no edukasaun sai hanesan xave, tanba seitores rua ne’e iha papél importante ba dezenvolvimentu longu prazu ba Timor-Leste ninia luta hasoru ki’ak,” Bernard Harborne hato’o rekomendasaun ne’e, hafoin Ministériu Finansa no Banku Mundiál iha TL, lansa relatóriu Timor-Leste Public Expenditure Review 2021 (TL-PER) nian, iha Aitarak Laran, Tersa (09/11).

Rekomenda mós ba Governu TL tenke investe maka’as iha setór produtivu sira, nune’e bele hametin kresimentu ekonomia rai-laran nian.

Diretór Jerál Planeamentu no Orsamentu Ministériu Finansa Jose Alexandre de Carvalho hateten Governu sei analiza relatóriu ho rekomendasaun husi Banku Mundial ne’e, atu nune’e orsamentu ba tinan fiskál 2022 bele ezekuta diak.

“Ezersísiu ida ne’e fó avizu mai ita katak, ita-nia distánsia ba fiskal cliff sei sai badak, se despeza públiku Timor-Leste nian kontinua sa’e ho rítmu atuál 28 porsentu kada tinan, ita sei kontinua atu hela ho defise orsamentál boot ne’ebé fó ameasa ba sustentabilidade fiskál” katak Diretór Jerál ne’e.

Tuir relatóriu peskiza husi Banku Mundiál ne’e hatudu, kolleta reseita doméstika nian ki’ik iha nasaun ne’e ho porsentu 8 husi PIB kompara ho médiu porsentu 15 ba rejiaun, ne’ebé dezekilíbriu iha reseita no despeza ne’ebé rejulta deficit orsamentál ne’ebé fó ameasa ba sustentabilidade fiskál.

Rendimentu Sustentavel Estimadu (RES) TL iha tinan 2021 nian, hamutuk millaun USD 547.873 liu, no despeza inisiál hamutuk billiaun 1.895, foin retifika aumenta ba billiaun USD 2.1 no ba tinan ne’e RSE hamutuk millaun USD 554.077 liu ho nia despeza hamutuk 1.6.

Antes ne’e, relatóriu ne’ebé fó sai husi Fundu Monetáriu Internasionál (FMI) hatudu, husi nasaun sudueste asiátiku 11 iha tinan 2021, klasifikasaun PIB TL nian mak kii’k liu kompara ho nasaun 10 seluk.

Klasifikasaun PIB ne’e TL nian rihun $ 3,119, Myanmar $ 4,830, Cambodia $ 4,929, Laos $ 8,519, Filipina $ 9,061, Vietnam $ 11,678, Indonézia $ 12,882, Tailándia $ 19,003, Malázia $ 29,340, Brunei $ 64,405 no Singapura $ 102,741.

Banku Central Timor-Leste (BCTL) mós fó sai katak, TL nia kresimentu ekonomia iha tinan 2020, tun ba negativu porsentu 6, ne’ebé kauza husi gastu orsamentu Estadu no impaktu mós husi pandemia COVID-19.aba


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker