GMN TV Economia EDTL seidauk selu millaun $ 9.750 ba kompañia CNI,22

EDTL seidauk selu millaun $ 9.750 ba kompañia CNI,22

0 views

Diretor Jeral Eletrisidade Timor Leste (EDTL), Virgílio Guterres, informa, EDTL  seidauk selu millaun US$ 9.750 ba kompañia CNI 22 husi China ne’ebé durante ne’e   halo  mantensaun ba  liña transmisaun eletrisidade ho total 603 kilometru iha teritoriu nasional.

“Sentru despaisu nasional iha Kamea Dili ita halo kontratu ho kompñia CNI 22. Los duni pagamentu ba kompñia CNI 22 ne’ebé mak durante ne’e halo operasaun manutensaun seidauk halo 13 meses, ita seidauk  selu hamutuk milaun US$ 9.750, entau iha difikuldade ba sira atu halo operasaun manutensaun, tanba seidauk halo pagamentu ba sira, nune’e bele selu mós funsionáriu sira ne’ebé servisu iha kompañia refere,”Virgílio Guterres ba GMN iha nia kna’ar fatin Caicoli Dili, Kuarta (13/12).

Nia hatutan, kona ba kompañia CNI 22 nia pagamentu ne’e, Governu sei halo esforsu para bele resolve atu tusan ne’e labele bo’ot ba bebeik,  tanba lei la autoriza atu selu sira iha fulan ida nia laran.

“Ita selu, maibé selu ba fulan ida ou rua deit, tanba nia montante orsamentu  bo’ot, tanba ne’e sei hein aprova orsamentu lai mak bele resolve,”hateten Virgílio.

Iha parte seluk, Xefe CGI-PEN, Helio Rainato Ximenez, informa, projetu liña Eletrisidade ne’e nia karakter  multi project, ne’ebé la’os ba tinan ida deit.

“Osan iha ou laiha ne’e, la’os problema kompañia nian, maibé iha Ministériu liu husi Ministru sira atu desidi ida ne’e, agora sira lakoi implementa projetu depois la halo tagian mai, halo nusa mak sira dehan osan laiha,” katak Helio Rainato Ximenes.

Nia haktuir, téknikamente prosesu ne’e la’o normal nafatin, tanba osan ba fundus insfra-estrutura nian ne’e, sei iha no sei hein Ministru atu halo trasferensia fundus ne’e ba fatin ne’ebé presiza atu selu.

Ne’eduni Helio husu ba  ba kompañia sira ne’ebé mak implementa projetu liña elietrisidade ne’e, tenki ezekuta ho diak no kualidade, depois sira bele halo tagihan tuir prosesu ne’ebé mak implementa tiha ona.

“Karik ami simu sira-nia request payment ne’e, entaun ami fó nafatin pagamentu ne’ebé nia prosesu mak hanesan ne’e,” katak Helio.aba  


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker