Foto Facebook Nivio Magalaesh
Secretario Estado Juventude Trabalho (SEJT), Nivio Magalhães, deklara sei fo notifikasaun sansaun ba empregador ne’ebé la kumpri lei trabalhador ho númeru 4/2012 artigu 44 kona-ba subsídiu anual nomos oras extra ordinariu sira.
Nivio Magalhães, hateten, SEJT nu’udar orgaun Estadu ne’ebé nia kompetensia haree liu ba trabalhador, tanba ne’e sei la torela empregador sira ne’ebé halimar ho direitu trabalhador sira nian.
“Inspesaun ida ne’e ita hala’o atu responde preokupasuan trabalhador balun ne’ebé servisu loron feriado no sidauk hetan subsidu anual, tanba iha lei trabalho artigu 27 no artigu 44 klia momos kona ba kompetensia trabailhdor sir anian no direitu sira nian, liu-liu kona ba sira ne’ebé mak servisu iha oras feriado inklui direitu ba subsídiu annual, ne’ebé realidade hatudu iha loron feriado natal ida ne’e trabaiulhador balun kontinua servisu maibe sira la hetan osan ruma hodi kompensa sira nia servisu entaun ita sei fo sansaun ba ema sira ne’ebé halo violasaun ida ne’e,”deklara Secretario Estado Juventude no Trabalho, Nivio Magalhães, ba jornalista sira, hafoin hala’o inspesaun iha loja no restaurante balun iha kapital Dili hanesan Colmera no Fatuhada Kinta (28/12/2017).
Alende atu hatene atendimentu empregador ba trabalhador sira ne’ebé servisu, iha tempu servisu no la hetan subsídiu anual, objetivu seluk husi inspesaun ne’e mos atu identifika trabalhador estranjeiru balun ne’ebé uza visa turismu hodi hala’o servisu iha lojas no restaurante sira.
“Tanba ne’e mak ami mai hodi haree iregularidade sira ne’e, no se mak viola lei do trabalho mak sira sei simu sansaun,”SEJT ne’e afirma.
Entertantu Diretor Inspesaun Jeral Traballu, Secretario Estado Juventude Trabalho, Aniceto Soro, afirma, inspesaun refere hala’o bazeia ba lei trabalho númeru 4 /2012, kona ba extra ordinariu sira, ne’ebé durante ne’e implementa.
“Tanba ita-nia lei hatete katak, kuandu ema servisu iha loron ferias mak nia tenki hetan osan, oras extra nian,depois kuandu fim do ano tuir lei trabalho númeru 4/2012/artigu 44 ema hotu iha direitu atu hetan subsídiu anual,ne’ebé pagamentu ne’e tenki realija antes 20 dezembru kada fin do ano, no ohin (Horiseik-red) ami identifika, iha kompañia tolu hanesan ne’e mak seidauk halo subsídiu annual, ne’ebé ita konsidera kontra lei refere,ne’e sei hetan pena de multa tuir númeru trabalhador ne’ebé mak iha hanesan se ema ida sei selu US$ 230, ba kofre Estado tuir ita-nia lei trabalho artigu 98 liga ho dekretu lei artigu 19/2012/ artigu 49,”dehan nia.
Tuir observasaun iha terenu nota katak, kuaje inspesaun ne’ebé hahú husi loja Fitun Lorosa’e to’o iha restaurante Fatuhada konsege detekta iha trabalhador balun seidauk simu salariu anual no iha balun uza visa turismu maibe halo servisu iha loja.Tuir planu aktividade inspesaun ne’e sei iha kontinuasaun no iha fatin ne’ebé diferente.Ola
