GMN TV Economia Deve Osan Husi ADB, Akadémiku Konsidera Governu Fó Tusan ba Jerasaun Foun

Deve Osan Husi ADB, Akadémiku Konsidera Governu Fó Tusan ba Jerasaun Foun

91 views

Akademista UNTL, Camilo Ximenes de Almeida.

Akademista Universidade Nasionál Timor-Lorosa’e (UNTL), Camilo Ximenes de Almeida, hatete, Ministériu Finansa (MF) empresta osan millaun USD 35 husi Asian Development Bank (ADB), hanesan Governu fó tusan ba jerasaun foun no mós ba governasaun sira tuir mai.

 “Governu tenke tetu didi’ak antes empresta, tanba empresta ne’e fó tusan ba jersaun sira ne’ebé mak tuir mai no governu ida ne’ebé mak mai, tanba ne’e mak karik bele ita empresta osan ne’e tuir posibilidade tinan ne’ebé mak ita hela, oitavu governu ninia mandatu to’o 2023, sera ke tusan ida ne’e VIII governu selu hotu ona labele rai fali tusan ba governu ida ne’ebé aban rua mai, ida ne’e mak governu prejiza tetu didiak no sosiedade sira seluk prejiza tauatensaun, tanba alende orsamentu sa’e maka’as ita mós iha empréstimu ne’ebé ita temi”, afirma Akadémiku UNTL, Camilo Ximenes de Almeida, ba GMN, iha nia knar fatin resintu UNTL Caikcoli, Kuarta (29/12).

Osan ne’ebé Ministériu Finansas (MF) empresta millaun USD 35, husi ADB hodi hadia infraestrutura nasaun ne’e nian, liu-liu moderniza projetu distribuisaun enérjia elétrika iha munisípiu 12, no fortalesimentu kapsidade empreza Eletrisidade Timor-Leste (EDTL) jere rede eletrisidade sira ho diak.

Governu estabelese ona akordu empréstimu ho ADB ne’e, nu’udar pasu pozitivu ida atu labele fó presaun maka’as ba Fundu Petróliferu (FP) ne’ebé sai fonte rendimentu TL nian. Akordu ba empresta osan ne’e asina ona iha loron 20, fulan Dezembru ne’e.

Nia dehan, TL empresta osan husi banku hirak ne’ebé parseiru ho TL, seidauk to’o iha limite perigu nia laran, tanba seidauk atinji porsentu 30 no 40 husi Produtu Internu Brutu (PIB) nasaun foun ne’e ni’an.

Kona-ba empresta ona osan husi banku hirak ne’ebé parseiru ho TL, seidauk to’o iha limite perigu nia laran, tanba seidauk atinje porsentu 30 no 40 husi Produtu Internu Brutu (PIB) TL ni’an.

Osan hirak ne’ebé durante ne’e Governu liuhosi ministériu refere empresta to’o ohin loron, Rui Gomes la fó montante fiksu, razaun la lembra valór osan no empresta husi banku hira. Maibé antes ne’e iha loron 01, fulan outobru tinan ne’e, Governu mós asina akordu empréstimu millaun USD 135 ho ADB ho objetivu atu dezenvolve Aeroportu Internasionál Nicolau Lobato, Comoro.Ina


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker