TL SEIDAUK BELE IHA OSAN TAHAN

Timor – Leste hanesan nasaun soberanu no independenti, maibe to’o agora seidauk bele iha moeda (osan) tahan rasik.

Governador Banco Central Timor-Leste (BCTL), Abrão de Vasconselhos, esklarese katak, lei organika BCTL nia espesifikamente deskreve kona-ba introdusaun moeda nasional, katak TL seidauk iha moeda rasik tanba ne’e BCTL bele produs deit koin. Ba jornalista sira iha nia servisu fatin, Kinta (25/8/2017), Governador BCTL, Abrão de Vasconselos, esplika mos katak bainhira seidauk iha moedas rasik, TL sei la iha osan tahan. Kuandu introdus osan tahan, bainhira iha moedas rasik. Nune’e, BCTL seidauk iha planu atu implementa moeda tahan. “BCTL intensionalmente hakarak retira US$ 1,00 tahan desde tinan 2013, bainhira intrudus centavos 100. Nune’e, iha tempu badak mos BCTL sei retira tan US$ 5,00 tanba TL mos iha ona centavos 200,” informa Abrão de Vasconselhos. Tuir dadus ikus ne’ebe BCTL nian katak, mais 3 milhoes USD husi  notas US$ 1,00 maka sei serkulasaun,” nia epslika. Dau-daun ne’e osan tahan US$ 1,00 hahu lakon ona husi sirkulasaun merkadu nasional no domina liu ona husi centavos 100. Nune’e, iha loron 13 Setembru mai ne’e, BCTL sei introduz tan centavos 200 ne’ebe nia ekivalensia US$ 2,00. mia