MCI garante stock sufisiente iha Natal-Tinan foun

Foto Facebook:Gusmao Jacinto

Ministerio Comercio Industria (MCI),  garante stock nesesidade báziku hanesan fos, mina, masin, masin midar, terigu  latarias no seluk tan iha tempu Natal no tinan foun sufisiente.

Deklarasaun ne’e hato’o husi Vise Ministru Comercio Industria , Jacinto Gusmão, ba jornalista sira, hafoin partisipa diálogu kona-ba kongestionamentu comercial iha Timor Plaza Comoro, Kinta(21/12/2017).

“To’o ohin loron  nesesiedade báziku, ba komunidade sei sufisiente, mesmu iha inflasaun  ituan amibe la fo impaktu ba selebrasaun loron boot Natal no tinan foun nian,tanba governu mos halao hela programa bazar baratu,”Eis Diretor  Jeral Sekertariu Estadu Formasaun Profisional Empregu ne’e haktuir.

Tuir nia, maske inflasaun sae ituan maibe,  la fo impaktu ba selebrasaun natal no tinan foun tanba Governu liu husi MCI,  servisu hamutuk ho emprejario timor oan sira hanesan, Jacinto  market, LEADER, inklui CCI-TL, hodi fasilita komunidade ho folin sasan ne’ebé baratu.

“haree ba inflasaun sa’e oituan governu la’os servisu mesak maibe ho emprezariu Timor oan sira, hanesan Jacinto, Leader  inklui membru CCI-TL balun,  hala’o programa ida ho naran bazar baratu, atu  fasilita komunidade ho folin sasan baratu atu nune’e ita nia komunidade sira bele goja iha loron importante ida ne’e,”dehan nia.

 Antes ne’e, Ministru Comercio Industria, Antonio da Conceiҫão, mós deklara katak, nia parte garante stock nesesidade báziku  sei sufisiente ba konsumedor iha tempu natal no tinan foun  liu husi programa  bazar baratu, ne’ebé sei hala’o durante semana tolu, hahú Kuarta semana kotuk.Ola