JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

GOVERNU APOIA MCC DEZENVOLVE EKONOMIA TL

GOVERNU APOIA MCC DEZENVOLVE EKONOMIA TL

Governu Timor Leste apoiu programa Ajensia Millennium Challenge Corporation (MCC), husi Governu Estadu Unidu Amérika (EUA), ne’ebé hakarak ajuda Timor Leste hodi implementa programa hasa’e kresimentu ekonómiku hodi redus ki’ak.

Ministru Reforma Lejizlativa no Asuntus Parlamentar, Fidelis Magalhães, hateten, Ajensia MCC mai Timor Leste atu inisia prosesu ida, hanesan preparasaun ba compact, hodi halo servisu ba ema nia moris.

“Se ita halo buat hotu ho diak sei remata, depois ida ne’e, ita bele asina akordu ida ho Estadu Unidu Amérika, atu bele iha kooperasaun ba dezenvolvimentu nian iha futuru,” informa Fidelis ba jornalista iha Palasiu Governu, Kinta (19/07), hafoin enkontru ho Embaixadora EUA ba Timor Leste, Kathleen Fitzpatrick, ho Vise Prezidenti MCC, Jonathan Brooks.

Maibé Fidelis dehan, antes atu to’o ne’eba, nasaun rua ne’e (Amérika no Timor Leste), sei iha akordu ida atu bele hetan apoiu inisial hodi bele prepara servisu sira ne’ebé mak presiza atu bele lori ba to’o preparasaun final.

“Programa ida ne’e foka liu ba dezenvolvimentu ekonómiku, tanba iha nasaun barak iha mundu mak MCC halo ona ida ne’e, nasaun sira ne’ebé kualifikadu, bele iha akordu compact ho Estadu Unidu, depois iha prosesu fulan 24 nia laran ne’e, identifika atu apoiu ne’e mai karik iha área ida ne’ebé,”relata Fidelis.

Nia esplika, programa ne’e foka liu ba problema nia hun, hanesan dezafiu ba Timor Leste nia dezenvolvimentu ekonomia ne’e mak saida los.

“Depois fulan 24, bele iha akordu ida tan, para bele komesa servisu ona, MCC desponibiliza ona apoiu ba área sira ne’ebé ita konsidera hanesan kostrantejimentu ekonómiku para ita dudu prosesu dezenvolvimentu ekonómika ba oin,” katak Fidelis.

Lee hotu :   PN ladauk simu relatóriu ezekusaun OJE 2020

Nia afirma, apoiu Estadu Unidu Amérika liu husi Ajensia MCC ne’e, importante tebes, no apoiu ne’e hanesan rekuñesimentu ba Timor Leste nia kualidade demokrásia, vontade atu uza fundus ne’ebé iha ba povu nia moris diak, nomós ba kuadrus legal sira ne’ebé mak promove ba luta redusaun korupsaun.

Alende ne’e, Embaixadora Amérika iha Timor Leste, Kathleen Fitzpatrick, programa ne’e, programa kompaktu husi MCC nian, ne’ebé ho durasaun ba tinan lima.

“Programa MCC husi Timor ba povu Timor Leste ho apoiu Estadu Unidu Amérika,” relata Kathleen Fitzpatrick.

Alende ne’e, Vise Prezidenti MCC,  Jonathan Brooks, mós informa, MCC ne’e hanesan ajensia ida husi Governu Estadu Unidu nian, ne’ebé sei fokus redus kiak liu husi kresimentu ekonómiku.

“Programa ne’e nia fokus liu ba redus kiak liu husi dezenvolvimentu ekonómiku, hanesan, hadia ambiente negósiu, redus kiak liu husi dezenvolve ekonomia, no oinsa apoiu sétor sira ekonómiku sira liu husi kresimentu ekonómiku,”katak Jonathan.

Antes ne’e, Ajensia Millennium Challenge Corporation (MCC), hasoru malu ona ho Prezidenti Koligasaun AMP, Kay Rala Xanana Gusmão, hodi   hato’o kompromisu ne’e iha Sede Nasional AMP, Bairo dos Grilhos, Dili.cos

Add to Comments Here!!!!

error: Content is protected.
Secured By miniOrange
You might also like:
KARETA ESTADU SOKE MATE JOVEM 1 NO MOTORIZADA 4 RAHUN

Kareta Estadu ida ho sapa matríkula...

JOAQUIM FONSECA: EMPASE POLÍTIKA LA IMPLIKA KREDIBILIDADE TL IHA MUNDU

Diplomata Timoroan ne'ebe hakn'ar nudar Embaixador...

LAIHA TRANSFORMADOR REZERVA, EDTL HAMATE AHI LORON TOMAK IHA DILI

Komunidade kapital Dili, liu-liu hirak ne’ebe...

Close