PASAJEIRU AVIAUN HO SERVISU ALFANDEGA LAMENTA SISTEMA KARTAUN KRÉDITU VIZA IHA AEROPORTO INTERNASIONAL NICOLAU LOBATO


Pasajeirus aviaun ho servisu alfândega lamenta ho implementasaun sistema kartaun kréditu viza iha aeroportu Internasional Nicolau Lobato, Comoro, Dili, tambá sistema nee la fasilita diak antedementu iha areporto internasional nee.

“Hau hanesan pasajeiru, hau lamenta tebes konaba implementasaun, sistema kartaun kréditu viza, iha Aeroportu Internasional Comoro, tamba ne’e laos hafasil servisu funsionariu ho pasajeirus sira iha aeroportu ne’e, maibe komplika liu fali servisu iha aeroportu ne’e, tamba Timor oan barak mak laiha ou la halo kartaun kréditu viza”, preocupa Lourenço de Oliveira, pasajerus, ba JNDiario, foin lalais nee iha aeroportu Comor Dili.

Lourenço afirma,maioria pasajeirus Timor oan, seidauk uza kartaun kréditu viza,tanba ne’e atu selu taxa aeroportu, tenki halai ba selu iha Banco Nacional Ultramarino (BNU).

“Hau hanoin ita Timor-Leste seidauk implementa sistema kartaun kréditu viza hanesan ho nasaun sira seluk ne’ebe mak dezenvolvidu ona, tamba ita nia nasaun ne’e ema sei uza kartaun kréditu viza, ne’e oituan de’it, maibe barak mak seidauk halo buat ne’e ne’ebe laos hafasil servisu iha aeroportu ,maibe halo defisil liu tan”, lamenta Lorenco d Oliveira.

Nunee mos Diretor Alfândega Aeroportu Internasional Prezidente Nicolau Lobato, Armindo dos Santos, mós rekoñese sistema ne’e konplika servisu na’in sira iha aeroportu, tamba pasajeiru Timor oan sira barak mak seidauk iha kartaun kréditu viza.

“Hau mos hanoin implementasaun kartaun kréditu viza, ne’e sedu liu ,tamba Timor oan barak mak seidauk iha karta refere ,tamba ne’e sira mai husi estranjeiru sei mai urus buat sira ne’e hotu ,tamba sira laiha kartaun kréditu viza,no tenki halai ba selu iha BNU mak foin bele mai foti sasan pior liu mak pasajeiru sira mai husi estranjeirus iha loron Sabadu no Dpminggu”, hatete Diretor Alfândega Aeroportu Internasional Prezidente Nicolau Lobato Armindo dos Santos.

Armindo Dos Santos mós husu ba Governu liu husi Ministériu Finansas atu bele kordena ho BNU atu bele estabelese pesoal banku nian, iha aeroportu hodi fó atendementu ba pasajeirus sira ne’ebé mai husi liur.

“Hau husu ba Ministeriu Finansas ne’ebe mak ami tutela ba atu servisu hamutuk ho Banku Nasional Ultramarino (BNU) hodi funsionariu BNU balun transfere ba hala’o iha aeroportu ne’e hodi bele fasilita pasajeirus Timor oan sira ne’ebe mai husi liur”, sujere diretor.

Sistema kartau kreditu viza, implementa iha Aeroportu Comoro, hahú iha loron 11 Fulan Jullu tinan 2018.tos

Leave a Reply

Your email address will not be published. Required fields are marked *