JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SEDK la prevé osan ba kooperativa 193

SEDK la prevé osan ba kooperativa 193

Sekretáriu Estadu Dezenvolvimentu no Kooperativa (SEDK), Arsenio Pereira, informa, tinan ne’e SEDK la prevé orsamentu bo’ot no la prevé transferénsia públika hodi apoiu kooperativa sira ne’ebé rejista, tanba tempu ba ezekusaun Orsamentu Jeral Estadu (OJE) 2018 ne’e limitadu.

“Ohin (Horseik) ami halo audiénsia públika ho deputadu sira komisaun D, hodi ko’alia kona-ba ezekusaun orsamentu iha tinan 2017 nian no planu ezekusaun 2018 nian, maibe iha SEDK ita hotu hatene katak Sekretáriu Estadu ida ne’ebé foun, no ita hotu hatene katak hela fulan hira de’it. Tanba ne’e, orsamentu ne’ebé aloka mai iha ne’e, iha de’it US$652.000,”relata Arsenio pereira ba jornalista, hafoin halo audiénsia públika ho deputadu sira komisaun D iha Parlamentu Nasionál Segunda (20/08/2018).

Ezekutivu ne’e relata, alokasaun OJE 2018 ba SEDK, ba de’it kategoria salariu vensimentu, bens servisu no inklui kapital menor.

“Ne’e ba iha rubrika salariu vensimentu, bens servisu no mós iha kapital menor, tanba Sekretáriu Estadu foun ne’e presiza edifisiu hodi hala’o servisu. Ita hela fulan hira de’it, maibe iha 2019 nian ne’e mak, depois ne’e sei bazeia ba ami-nia lei orgánika Sekretáriu Estadu nian, no mós planu asaun ne’ebé ami sei mai defende iha Parlamentu Nasionál,”dehan Arsenio.

Arsenio informa, iha tinan 2019, SEDK sei servisu hamutuk ho Ministériu Agrikultura, hodi haree grupu kooperativa ne’ebé sei produs plantasaun industria, atu bele apoia ekonomia familia nian.

Tanba ne’e, iha tinan 2018 nia parte sei halo identifikasaun ba kooperativa hotu iha Timor-Leste.

“Tuir programa SEDK nian ba iha kooperativa produsaun, ne’e iha programa VIII Governu nian ne’e, liu-liu atu produs tuir ita nia lian karik, Batar ain naruk, ida ne’e produs, bele mós sei ba produs fali hahan sira seluk, ita bele dehan ne’e seralia, maibe nia mós hanesan plantas industria, ne’e kooperativa bele kuda sei produs, maibe ne’e sei servisu hamutuk ho ministériu agrikultura, para oinsa halo plantasaun no oinsa halo pos kolleta, no aloka orsamentu no to’o iha merkadu oinsa, maibe ida ne’e sei implementa loloos iha 2019, tanba ne’e mak iha fulan hirak nia laran ne’e ami sei halo vizita mós ba kooperativa sira iha Timor laran tomak, para grupu ne’ebé atu halo produsaun ne’e, para oinsa akomoda para sai tiha kooperativa ida, para depois sira bele halo produsaun, hodi bele kontribui kresimentu ekonómia uma kain nian,”Arsenio subliña.

Lee hotu :   Abilio Araújo apresenta delegasaun INVESTL ba Alkatiri

Governante ne’e relata tan, atual kooperativa ne’ebé rejistadu iha Governu, hmautuk 193, maibe balun pasivu no balun de’it mak ativu. Nuneé nia parte sei identifika problema sira ne’ebé halo kooperativa sira sai pasivu.

“Agora rejistu ne’e, hamutuk ho foin dadauk aumenta tan 2 ne’e, hamutuk 193 kooperativas, ne’ebé rejistu kompostu husi kooperativa multi sektoral, kooperativa rai no fó empresta, produsaun, peskas, pekuaria no seluktan, maibe númeru ne’ebé iha, infelizmente sira ne’e ativu hotu, balu passivu tanba balun mate, tanba ne’e, ba oin iha 2019 ne’e oinsa para haré kooperativa sira ne’ebé mate, ne’e tanba problema saída?, problema mekanizmu ka jestaun ka oinsa?, ida ne’e mak hau ho ekipa tékniku sira la’o hela para buka hatene problema sira, para 2019 mai labele repete tan buat ne’ebé mak iha ona,”dehan SEDK Arsenio Pereira.

Nia dehan, entre kooperativa 193 ne’ebé rejistadu, barak mak hetan apoia ona husi Governu, liu hosi fundu transferénsia públika, maibe ba OJE tinan 2018 ne’e, Governu seidauk prevé iha transferénsia públika hodi apoia kooperativa sira.

Tanba ne’e, Arsenio Pereira, hateten, nia parte planeia fali ba OJE 2019, bazeia ba nesesidade Sekretáriu Estadu Dezenvolvimentu Kooperativa no bazeia mós kooperativa sira ne’ebé rejistadu.

Iha loron hanesan, komisaun espesializada permanente hanesan komisaun C ho D, halo audiénsia públika mós ho Banku Nasionál Komersiu Timor-Leste (BNCTL_sigla iha lian Português) no Banku Sentral Timor-Leste (BCTL_ sigla iha lian Português) hodi halo esplikasaun no apresiasaun ba proposta lei nú 2/V (Iª) Orsamentu Jeral Estadu tinan 2018.

Audiénsia públika entre Governu ho komisaun espesializada permanente ne’e, hahú nu’udar ajenda kontinuasaun husi semana kotuk, ne’ebé hahú ona iha 14 no sei remata 21 fulan ne’e.Say

Add to Comments Here!!!!

error: Content is protected.
Secured By miniOrange
You might also like:
Projetu auto estrada Suai-Beasu atinji 99%  Sei inaugura iha Outubru

Kompañia Internasional China Overseas Engeneering Grup...

Asegura enerjia eletrisidade lamate, ETO preparadu deskarega tan kombutivel tonelada 8

Empreza fornesidor kombustivel ba Sentral Eletrika...

PR Lú Olo: Subtitui kandidatu membru Governu nain 9, ha’u foin fo pose

Prezidenti Repúblika (PR), Francisco Guterres ‘Lú...

Close