Kompañia Acelda halo aprezentasaun ba produsaun kosmétika

Kompañia  Acelda servisu hamutuk ho Trade Investe Timor-Leste, halo aprezentasaun ba produsaun kosmetika hanesan, sabaun haris no fase oin, inklui shampoo ne’ebé produs husi Kompañia  Acelda, ne’e nia  material prima ba produsaun mai husi mina nu’u no kamii.

 “ Ha’ u agradese ba Diretor Trade Investe, tamba bele iha inisiativa konvida ami Setor Privadu sira, inklui reprezentante Hotel no Supermekadu atu mai fahe hanoin hamutuk kona-ba produsaun produtu lokal sira”, afirma diretor Kompañia  Acelda, Higino da Costa Freitas, ba Jornalista sira kuarta (12/12/2018) iha Kolmera Díli.

“ Kona-ba produtu ne’ebé ami produs, ami halo koordenasaun ho Governu liu husi Trade Invest,Ministériu Komersiu Industria,liu husi Diresaun Komersio Industria, no halo ona lansamentu husi Sekretariu Estadu Kooperativa, Arsenio Pereira, no agora ami iha ona hanoin atu espalha ba Super-Merkad no Hotel sira.” Dehan ,Kompañia  Acelda.

Higino da Costa,afirma oras nee sira seidauk fa’an protudu kosmetika iha loja sira, tamba sei halo hela promosaun no halo nafatin ligasaun ho  Ministériu Komersiu Industria no Trade Invest, atu bele habelar liu tan informasaun ba públiku, atu nune’e produtu kosmetika ne’e folin liu tan iha rai laran.

Iha fatin hanesan, Diretor Promosaun no Importasaun Trade Invest, Decio Ribeiro, hatete papel Trade Investe nian mak atu promove produtu lokal no promove Setor Privadu Nasional, ne’ebé mak halo investimentu iha Setor Produtivu.

“ Investimentu ida ohin, hanesan investimentu ida ne’ebé intregradu, ne’ebé envolve  Setor Agrikultura no mos Setor prosesamento industria, entaun Trade Investe nia papel mak atu halo ligasaun ho Setor Privadu no Merkadu sira, hanesan Kompañia  Acelda ne’ebé hetan ona sertifikadu husi governu, hanesan investidor”, Sublinha Decio Ribeiro.

Nia haktuir, Trade Invest nafatin promove produtu lokal sira no promove mos setor privadu nasional sira, tamba investimentu hanesan investimentu ne’ebé duro ne’ebé mai husi setor privadu.Fel