JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: Sriwijaya Air naok ita arbiru “Tenki kria lalais lei aviasaun”

Ramos Horta: Sriwijaya Air naok ita arbiru “Tenki kria lalais lei aviasaun”

Eis Prezidente Repúblika (PR), José Manuel Ramos Horta, hatete, nasaun Timor-Leste dezde ukun-an to’o agora seidauk iha lei aviasaun ida hodi regula aviaun sira ne’ebé tama sai Timor-Leste. Tanba ne’e deputadu Parlamentu Nasional tenki kria lei aviasaun lalais atu Timor-Leste labele lakon bebeik.

 “Haree lei lalais kona-ba aviasaun tanba ita seidauk iha lei aviasaun. Por ezemplu, ajensia viajen Timor nian. Hau nia Konsellu ba PM Taur, maun Xanana rona karik hau hatete nune’e ita iha fatin ida difisil los, ita nia Hotel la barak, ita nia aeroportu mos, entaun hau hatete nune’e ba Governu favor hasai osan fundu minarai nian, investe laos sosa aviaun, halo leasing, por ezemplu ajensia viajen Timor nian laiha ida que iha rekoñesimentu husi I count para bele rejista nu’udar ajensia viajen. Ajensia hot-hotu iha Timor ne’e koneksaun ho ajensia iha Bali-Indonézia, ita iha Timor ne’e so para halo deit kontaktu, la emite billeti, entaun ita laiha ajensia viajen iha ne’e, Timor tenki halo leasing ba kompañia ida para bele ita rasik kontrola presu billeti aviaun, se presiza Governu subsidia billeti sira ne’e para presu ne’e tun”, dehan Laureadu Nobel da Paz ne’e 1996 ne’e iha GMN TV Bebora Díli, Segunda (17/12/18), bainhira husu kona-ba performance aviaun Sriwijaya Air ne’ebé kondisaun ladun diak bainhira tula pasajeiru ba-mai Timor-Leste.

Eis PR Horta afirma, iha Europa ema ba-mai selu osan ba sosa tiket aviaun nian la dun karun, ne’e tanba iha ona lei ne’ebé regula sasan hirak ne’e.

“Por ezemplu tanba sa mak ema juta ba juta ba Portugal, billeti husi Inglaterra ba Portugal USD 40 ka 50 Euro, ema lobuk ida ba, ita nian billeti ida ba Bali ou aviaun oan ida a’at los hanesan Sriwijaya nian atu monu tan USD 300 one way, ne’e naok arbiru ita. Ita laiha kbiit, laiha dignidade, orgullu atu defende ita nia-an. Atu defende oinsa? haree halo kontratu ho kompañia bo’ot ruma, mezmu Timor lakon osan, mak ne’e aviaun ne’e ami nian. Mas para halo leasing, Timor liu-liu Parlamentu Nasional tenki adopta lalais lei sira hotu kona-ba aviasaun nian,”dehan Ramos Horta, hanesan diplomata senior TL ne’e.

Lee hotu :   Governu sei prepara millaun USD 20 ba estrada rural

Antes ne’e, Prezidente Autoridade Aviação Civil de Timor-Leste (AACTL), Sabino Henrique, hasai ona karta suspensaun ba aviaun Sriwijaya Air halo viajen durante loron bo’ot natal no tinan foun, tanba kondisaun la favoravel no presiza halo manutensaun ba aviaun refere.avi

 

Add to Comments Here!!!!

error: Content is protected.
Secured By miniOrange
You might also like:
Feto Timor nain 8 ema bosok ba pasa vida “aat” iha Xina “Posibilidade deporta mai TL”

Kompañia Timor-oan balun halo kooperasaun ho...

PD nota PPN Arão viola rejimentu PN

Bankada Partidu Demokratiku (PD) iha Parlamentu...

Jornal Semanário GMNTV Edisaun 16 Dezembru 2018

Close