Kompañia Mura bele transforma plástiku ba óleo

Konsellu Ministru, Kuarta (03/04) rona aprezentasaun husi Empreza Mura konaba teknolojia foun ne’ebé transforma plástiku ba óleo.

“Ohin reuniaun Konsellu Ministru asisti aprezentasaun husi Empreza Mura, konaba teknolojia ida inovadora ka foun ba transformasaun plástiku ba óleo, teknolojia ida ne’e iventa husi Thomas Maschmeyer hanesan mós profesor kímika iha Universidade Sidney Austrália”, dehan Ministro Presidência do Conselho  Ministros Agio Pereira, ba Jornalista sira iha Palasiu Governu.

Teknolojia plástiku ba óleo ne’e uza be’e hanesan presaun ne’eb’e makas ho temperatura ne’ebé a’as hodi bele transforma rizidus husi plástiku ba produtu ne’ebé ho valór a’as.

Alende ne’e, teknolojia ne’e mos fó dalan hodi hamenus rizidus husi plástiku iha Oseanus, no hamenus problema sira ne’ebé  kauza husi emisaun karbondioksida ne’ebé provoka ahi han ba plástiku.

Atu realiza projetu ne’e mak, tuir planu Sekretariu Estadu meiu ambiente Demétrio de Amaral de Carvalho  mak sei diskute konaba Memorandu Entendimentu entre Governu Timor-Leste ho Empreza Mura.

No empreza mak sei responsável ba projetu no Timor-Leste sai parseiru ideal ba projetu refere liu husi karakteristika, geografika, no sosiais.tos