MTK: Primeiro Voo aviaun TransNusa seidauk klaru

Ministru Transporte Komunikasaun (MTK), José Agustinho da Silva, hatete nia parte seidauk hatene lolos loron aviaun TransNusa atu hala’o operasaun Kupang-Díli. Tuir lolos aviaun TransNusa atu halo primeiro voo iha Sesta (14/06), maibe governante ne’e seidauk iha informasaun ne’ebé klaru.

“Hau hanoin iha tempu badak hau sei fó sai hanesan iha hau nia esteitmentu ne’ebé mak hau fó sai katak, iha loron 14, fulan Juñu ne’e aviaun TransNusa sei voo kupang-Díli, maibé tuir lolos iha loron 27 ,fulan Maiu no loron 7 fulan Juñu liu bá ne’e, maibé sei iha preparasaun tekniku nune’e aviaun refere sei hala’o operasaun, maibé iha fallansu tekniku oituan nune’e hau sei konfirma ho Autoridade Aviasaun Sivil konabá progresu preparasaun tekniku ne’e oinsa ,depende ba preparasaun tekniku“, dehan Ministru Transporte Komunikasaun José Agustinho da Silva, iha nia entrevista ho Jornalista sira iha Palásiu Governu, Kuarta (12/06).

Husu konabá iha informasaun partisipasaun Pedro Carascalão nia iha negosiu aviaun TransNusa ,maibé to’o ikus sai husi negosiu ne’e, Ministru hatan katak, autoridade aviasaun sivil sira mak sei fó sai konaba kazu refere ,tamba ne’e tekniku liu ona, nia só hatene oinsa mak prezensa aviaun ne’e iha para fasilita populasaun ba normalizasaun movimentu transporte áero.tos