Governu TL-Japaun seidauk iha akordu formal konstrusaun Aerportu Comoro

Embaixadór Japaun iha Timor-Leste, Hiroshi Minami, hatete projetu Aeroportu Internasional Nicolau Lobato, Comoro, seidauk bele hala’o konstrusaun, tanba seidauk iha akordu formal entre Governu Timor-Leste (TL) ho Japaun.

Desizaun ne’ebé Governu Japaun foti hodi fó apoiu orsamentu millaun USD  44  ba Governu Timor-Leste hodi ba halo konstrusaun Aeroportu Internasional Prezidente Nicolau Lobato laiha mudansa.

Diplomata husi nasaun Sakura ne’e dehan wanhira governu nasaun rua ne’e iha ona konkordansia formal maka bele hahú loke tenderizasaun.

“Agora dadaun Governu Timor-Leste no Governu Japaun seidauk iha konkordansia formal ne’ebé iha ona konkordansia formal entre Governu Timor-Leste ho Governu Japaun ,hafoin Japaun hala’o ona tenderizasaun no hahú hala’o ona konstrusaun projetu Aeroportu Internasional Prezidente Nicolau Lobato,hau koalia konaba konstrusaun Aeroportu Prezidente Nicolau Lobato Comoro ,hau nia Governu Japaun laiha mudansa, Governu Japaun halo desizaun konaba asistensia projetu Aeroportu ida ne’e”,dehan Hiroshi Minami, hafoin despedida ho Primeiru Ministru Taur Matan Ruak, Sesta (16/08), iha Palásiu Governu.

Embaixadór ne’e fiar katak, iha tinan oin bele iha ona konkordansia entre Governu Timor-Leste ho Japaun.

“Ha’u fiar katak,hau nia embaxada ho JICA tenki iha ligasaun ho Governu Timor-Leste, ha’u espera katak,Governu Timor-Leste ho Governu Japaun sei iha konkordansia konaba projetu ida ne’e, ha’u espera katak, Governu Timor-Leste ho Governu Japaun sei iha konkordansia iha tinan ne’e nune’e Governu Japaun sei fó asistensia orsamentu millaun USD 44”, dehan Embaixadór.

Antes ne’e, Governu Timor-Leste liu husi Ministériu Transporte Komunikasaun mós planeia ona sei prevé Orsamentu Jerál Estadu tinan 2020, hodi hala’o konstrusaun Aeroportu Internasional prezidente Nicolau Lobato Comoro.

Tuir planu no estudu ne’ebé hala’o husi tékniku Ministeriu Transporte Komunikasões katak, konstrusaun Aeroportu Internasional Nicolau Lobato Comoro  nia obra sei prienxe rekejitus no tuir padraun internasional.

Prioriedade ne’ebé sei tau atensaun iha konstrusaun aeroportu mak  hanesan pista ne’ebe tenki naruk tuir medidia no kualidade infra estrutura aeropotu nian.Tos