Oscar Lima : Pagamentu ba projetu tarde afeita ekonomia nasaun

Prezidente Kâmara Komersiu Industria Timor-Leste (CCI-TL),  Oscar Lima preokupa ba sistema  pagamentu ba projetu sira birokrátiku tarde afeta ba ekonomia nasaun nian.

Oscar Lima hato’o preokupasaun nee ba JNDiário, sesta (27/09) iha ninia servisu fatin Komoro, Díli.

Emprezariu senior nee promete sei hato’o kestaun ne’e  ba Primeiru Ministru Taur Matan Ruak.

“Hanesan Prezidente CCI-TL, ha’u nia obrigasaun atu hateten hanesan  ne’e katak,  pagamentu  ne’e atraza  oituan. Dehan la’os la selu, selu maibe  pagamentu mak demora liu.  Ha’u hanoin ami sei buka   malu hasoru  Primeiru Ministru  hodi koalia kona-ba sistema. Sistema  ne’e mak birokratiku demais. Ida  ne’e mak demoras demais, entaun  hanesan ne’e bele afeta ba ita nia ekonomia rai laran”, dehan Oscar Lima.

Prezidente CCI-TL nee dehan pagamentu nebe tarde halo emprezariu barak  mak ténki taka  sira nia empreza, ne’e susar.

Husu kona-ba  númeru kompaña  ne’ebé mak  governu seidauk halo pagamentu?  Oscar Lima responde nia parte seidauk seidauk verifika dadus lolos.

Alíende ne’e Prezidente Prezidente Kâmara Komersiu Industria Timor-Leste Oscar Lima ,Oscar Lima,  preokupa  sidadaun  Xineza  ne’ebé mak domina   fan sasan  iha Timor-Leste.

‘Agora  koalia kona-bá money laundry, ami laiha evidensia, ami labele koalia, maibe problema ba  ita mak,  ita nia maluk Xina   barak demais iha Timor”,dehan Oscar Lima.

Tan  ne’e,     sidadaun Xina  sira iha osan kontinua loke kios iha fatin-fatin.

“ Agora dadauk  (Xina) sira balun mós  dada iis, sira taka ona  (kios), ami haree  ona, ida  ne’e tanba situasaun real  ne’ebé mak agora  poder de compra  ne’e menus.  Ita koalia lolos ne’e mai husi impasse polítiku  ne’ebé que tinan rua tolu liu ba nia impaktu  mai to’o agora sei nafatin”,dehan Oscar Lima.avi