JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Atu apoia ekonómia povu, TL-RI koopera promove fatin turizmu ho kultura

Atu apoia ekonómia povu, TL-RI koopera promove fatin turizmu ho kultura

Governu Indonézia, liu husi Ministériu Turizmu Repúblika Indonézia (RI) koopera hamutuk ho Governu Timor-Leste (TL), hodi halibur  ajensia sira husi TL no RI, atu promove destinasaun fatin turizmu sira ho kultura ne’ebé nasaun rua ne’e iha, hodi ajuda dezenvolve ekonómia populasaun nian.

“Atividade ne’e atu promove no fó koñesimentu fatin destinasaun sira, ne’ebé iha Indonézia no Timor-Leste, relasiona ho programa ne’e, foin dadaun ami realiza ona programa fame trip, ne’ebé ami lori kolega sira husi TL ba Indonézia, para vizita fatin destinasaun hanesan Labuan bajo, Mandalika, Jogja no Jakarta rasik, agora kolega sira iha Timor-Leste mós prepara ona pakote sira ne’ebé iha fame trip foin dadauk ne’e”, informa reprezentante ministériu turizmu RI, Hendry Noviardi ba jornalista sira, iha Timor plaza, Sesta (15/11/2019) ne’e.

Hendry garante, Timor-Leste mós sei lori delegasaun husi Indonézia mai vizita fatin destinasaun sira iha TL, inklui serimonia kultura sira, tanba Indonézia rasik nakloke ba ema hotu atu asiste kualker serimonia kultura ne’ebé iha.

“Hein katak programa ne’e labele para de’it iha ne’e, no la’os husi parte Indonézia nia destinasaun de’it maibé, kolega sira husi TL mós bele halo promosaun ba destinasaun sira ne’ebé TL iha. Tinan ne’e ami realiza atividade ne’e iha TL, mak hanesan loke pameran, no atividade sira seluk tan, no atividade ne’e la’os iha nia output de’it, maibé iha mós input ruma, tanba nasaun rua ne’e hanesan maun alin, ho atividade hirak ne’e, atu ajuda dezenvolve mós ekonómia populasaun nian, liu-liu iha área ne’ebé eziste fatin turizmu ba”, tenik Noviardi.

Iha fatin hanesan, reprezentante Ajensia Tour ho Travel iha TL, João Alexandre mós akresenta, ajensia travel TL sei servisu hamutuk ho ministériu turizmu, hodi promove mós fatin turizmu sira, atu bele atrai mós turista mai TL, hodi labele konsentra de’it iha Bali.

Lee hotu :   PM Alkatiri suspende akordu kasino, Ministru Manuel Vong ‘dezvia’ fali ba sloot machine

“Objetivu husi atividade ida ne’e di’ak tebes, nune’e oinsa ajensia travel sira atu explora fatin turizmu ne’ebé TL iha, inklui Indonézia nian, ita haree fatin turizmu sira iha TL ne’e ladun explora ho di’ak, ita koñese liu mak Bali, tanba ne’e, ita sidadaun rasik mak promove mós ita nia rain, nune’e bele hetan income ne’ebé di’ak ba ita-nia nasaun TL, tanba ne’e nia objetivu ne’e furak tebes, liu-liu ami husi ajensia sira, oinsa atu servisu hamutuk ho ministériu turizmu, ho ajensia travel sira RI nian, oinsa atu atrai turista sira mai vizita ita-nia rain”, dehan João.

Iha serimonia lansamentu programa sale mission Indonézia iha TL ne’ebé lansa husi embaixadór RI mai TL, Sahat Sitorus ne’e, halo aprezentasaun mós fatin turizmu sira husi RI inklui serimonia kultural sira ne’ebé TL iha, tanba ne’e, hein katak, TL mós sei promove fatin turizmu lokál sira, inklui serimonia kultural sira  ne’ebé TL iha, nune’e, furak no buat úniku ne’ebé TL iha, labele abandona de’it, no valoriza husi nia sidadaun rasik.say

Add to Comments Here!!!!

error: Content is protected.
Secured By miniOrange
You might also like:
Kareta foun PN kontinua uza xapa privadu

Prezidente Parlamentu Nasionál (PPN)  Arão Noe...

Oknum PNTL baku veteranu João Xavier iha Aileu

Oknum membru Polisia Nasionál Timor-Leste (PNTL),...

PN husu governu redus asesór iha ministériu  MF rejeita informasaun husi deputadu

Reprezentante povu iha uma fukun Parlamentu Nasional...

Close