Durante Natál no tama tinan-foun, Folin sasán iha loja laiha mudansa

Durante Natál no tama tinan foun, folin sasán nesesidade bázika nian laiha mudansa iha Loja no Supermerkadu sira iha rai-laran.

Kada tinan bainhira tama ba selebrasaun Natál no simu tinan foun  sasán nesesidade bazika nia folin sae maibe ba tinan ida ne’e presu sasán nesesidade bazika nisn normal  iha loja no supermerkadu sira.

Tuir Autoridade Inspesaun Fiskalizasaun Atividade Ekonomia Sanitária Alimentar ka AIFAESA katak folin nesesidade bazika sa’e ka tún ne’e kompitensia Governu nian  hodi halo intervesaun.

“Agora presu sira baibain ne’e presu merkadu nian duni, se mak bele interven ida ne’e so Konsellu Ministru mak hatun dehan katak produtu hotu-hotu nia presu mak ne’e labele sa’e nune’e, ne’e apra ami tun lori desizaun Governu nian atu implementa ami labele arbiru deit.  Tanba ne’e normalizasaun de presus iha merkadu, só Governu mak dehan buat ruma, depois ami kaer iha Governu nia desizaun ne’e ami hodi implementa iha merkadu,”esplika Koordenadór AIFAESA, IP, Abílio Oliveira Sereno   

Nune’e mos Prezidenti Organizasaun Naun Govermental Tane Konsumidor hatete, sasán báziku nia folin iha merkadu no loja sae no tun  tanba fornesedor no konsumidor seidauk hatene diak kona-ba lei numeru 8 bara 2016  nune’e husu ba Governu atu halo sensibilizasaun ba lei refere.

“Folin sasán sira sa’e no tun, tanba konsumidor sira sira seidauk hatene diak kona ba lei, ne’ebé Governu tenke sensibiliza lei ne’e”,dehan  António Ramos Da Silva.

Entretantu Governu liu husi Direcão Nasional Regulamentu Komersiu no protesaun ba Konsumedores hatete, to’o oras ne’e laiha mudansa ba folin nesesidade bazika sira hanesan, Fós, Terigu, Masmidar, Mantolun, Mina, no seluk-seluk tán.

“Ne’e laiha mudansa”,dehan Diretora Nasionál Regulasaun Komérsiu, Manuela da Silva Tilman.

Diresaun Nasional Regulasaun Komersiu no Protesaun  Konsumidor garante kuantidade nesesidade bázika  hodi responde ba konsumidor iha tinan foun.GMN