JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MAP lansa Segundu Loja Agrikultores atu promove produto lokál

MAP lansa Segundu Loja Agrikultores atu promove produto lokál

Ministru Agrikultura no Peskas halo lansamentu ba Segundu Loja Agrikultores, hodi promove produtu lokál iha Timor Leste.  

Ministru Agrikultura no Peskas, halo lansamentu ba segundu Loja Agrikultores hodi fa’an produtu lokál sira ne’ebé mai husi munisípiu 12, inklui Rejiaun Administrativu Espesiál Oecusse-Ambeno (RAEO-A)

Hafoin Lansamentu, Ministru Agrikultura no Peskas Joaquim José Gusmaõ dos Reis Martins, hateten durante ne’e agrikultor sira preokupa ho sira nia produtu ne’ebé iha, maibé laiha ema ida mak sosa, nune’e liu husi loja agrikultores ne’ebé estabelese bele tulun no promove sira nia produtu lokál iha merkadu.

“Ida ne’e ita hatan ba iha preokupasaun ita nia agrikultór sira nian, kuandu iha kampu ita nia agrikultór sira kuda, mais ita kuandu ba kampu sira sempre dehan, Ministru ami sempre hakarak kuda barak, maibé merkadu para atu sosa ami nia sasan laiha, ida ne’e ita responde ba ejijénsia ne’ebé iha, sira bele mai hatama ona sira nia produtu sira ne’e iha loja dos agrikultores, ne’ebé mak servisu hamutuk ho Ministériu Agrikultura no Peskas nomós ho JICA,” hateten, Ministru Agrikultura no Peskas, Joaquim José Gusmaõ dos Reis Martins, ba Jornalista sira Sesta (13/12/2019) hafoin lansamentu ba Segundu Loja Agrikultores.

Francisco Gonsalves, Agrikutor, sente orgullu ho loja ne’ebé estabelese ona, maibé produtu ne’ebé iha la sufisiente ba konsumidór sira, tanba ne’e nia husu ba agrikultór sira atu badinas liu tan, halo to’os hodi prodús produtu lokál, nune’e bele responde ejijénsia merkadu nian.

“Bá konsumidór ne’e sei barak liu rejultdatu ne’ebé ha’u kaer ne’e, ne’ebé ba oin ha’u sei aumenta tan hektares 3, 4 para kompleta 6 to’o 8 hektares. Ne’ebé ba oin husu para joven sira ne’ebé iha Dili karik halo buat sira ne’ebé hanesan ha’u halo, tanba ne’e prepara ba futuru nasaun nian,” dehan Agrikultór.

Lee hotu :   MOP SEI KRIA REGULAMENTU PLANU URBANA

Iha serimónia lansamentu ba Segundu Loja Agrikultores ne’e, Ministru Agrikultura no Peskas mós hala’o lansamentu ba loja MEIMART.

Partisipa iha serimonia ne’e, Ministru MAP, Diretores Gerais, Reprezentante Embaixadór Japaun iha Timor Leste, Reprejentante JICA, Asosiasaun Agrikultura husi Munisípiu, inklui agrikultór. GMN

Add to Comments Here!!!!

error: Content is protected.
Secured By miniOrange
You might also like:
Tribunal de Recurso regista 376 casos em 2019

O Presidente do Tribunal de Recurso...

Konsellu Veteranu verifika ona dadus 11.000 resin

Sekretáriu Estadu ba Asuntu Kombatente no...

PJR Seidauk simu informasaun kona bá kazal Timor-oan iha Indonézia

Prokurador Jeral Repúblika (PJR), José Da...

Close