JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo: TL tenke promove ekonomia tasi ■Lere preokupa seguransa ba FM abandonadu

PR Lú Olo: TL tenke promove ekonomia tasi ■Lere preokupa seguransa ba FM abandonadu

Prezidente Repúblika (PR), Francisco Guterres Lú Olo, hatete, Timor-Leste presiza promove ekonomia tasi ninian, hodi kria kampu servisu ba Timor-oan sira, tanba kada tinan númeru dezempregu sempre aumenta.

“Timor-Leste parte rejiaun Ázia Pasífiku, ne’ebé ohin loron sai hanesan sentru ekonómiku ida bo’ot no importante tebes iha mundu, iha rejiaun ida ne’e hola parte maioria nasaun illa deit katak, ho rai ketak ketak,  haleu tasi,  nune’e tasi iha valór bo’ot ba ekonomia nasaun illa sira nian”,dehan Xefe Estadu ba iha nia Diskursu iha Selebrasaun Falintil Forsa Defeza Timor-Leste (F-FDTL) Komponente Naval nian ba dala 18 iha Hera Domingu (12/01/2020).

Lú Olo salienta, haree ba dezafiu no ameasa hirak ne’ebé akontese iha tasi,  presiza haree ba seguransa nu’udar kestaun koletiva ida ba nasaun hotu iha  rejiaun, husi abordajen ne’e mak hamosu mekanismu kooperativa ida entre nasaun sira iha rejiaun, hodi responde  hamutuk ba ameasa sira ne’ebé akontese iha tasi,  nasaun ida  deit sei labele hatan mesak ba problema sira ne’ebé mosu ho relasaun ho tasi.

“Timor-Leste parte rejiaun Ásia pásifiku, ne’ebé ohin loron sai hanesan sentru ekonómiku ida bo’ot no importante tebes iha mundu,  iha rejiaun ida ne’e hola parte maioria nasaun illa deit katak, ho rai ketak ketak  haleu tasi,  nune’e tasi iha valor bo’ot ba ekonomia nasaun illa sira nian”, subliña Lu-Olo.

Iha okaziaun ne’e mós, Lú Olo enkoraja  Komponente Naval F-FDTL, hodi  haka’as aan no habrani aan liu tan nu’udar Marineriu Lafaek Timor Leste nian, hodi asegura tasi, povu no nasaun TL.

“Maske iha difikuldade barak no lori tempu atu haburas ita-nia komponente naval, tuir dalan ne’ebé ita hotu hakarak, Prezidente Repúblika nu’udar imi nia komandante supremu fiar katak, imi sei hakas an no habrani an liu tan nu’udar marineiru lafaek Timor-Leste nian”, dehan Xefe Estadu ne’e.

Lee hotu :   Janeiru-Outubru, MP rejista kazu 5000 resin

Lú Olo salienta, Timor-Leste iha prosesu hela atu envolve aan mós iha kooperasaun trilateral entre Japaun, Indonézia no Timor-Leste ,  ne’ebé haree ba esperiensia mesak  nasaun illa deit, ho hanoin ida deit, oinsa atu aprende, aproveita no asegura tasi,   no  TL mós iha ona fronteira tasi definida ho Australia , no iha prosesu hela atu defini foronteira tasi ho Indonézia,  Timor-Leste nia liña kosteira liu kilometru atus hitu no iha zona ekonomia eskluziva ho milla nauetika atus rua.

 Xefe Estadu ne’e  fudamenta, faktu sira ne’e obriga implikasaun husi meius sira atu ezerse TL nia jurisdisaun iha tasi,  tanba ne’e importante tebes Estadu  investe iha rekursu humanu,  infrastrutura no ekipamentu adekuadu, hodi garante TL nia soberania tasi.

“Ha’u fiar katak, esforsu tomak ne’ebé halo ona, no sei kontinua halo, husu Estadu inklui apoiu husi  nasaun belun sira, ita bele ona  kumpri Planu Estratéjiku Dezenvolvimentu Nasionál 2011-2030, ne’ebé dehan katak,  to’o tinan 2030, Komponente Naval iha treinamentu ho infrastrutura diak hodi asegura no proteje seberania tasi no mos partisipa iha ezersísiu marítimu internasional”, tenik Lú Olo.

Lere preokupa seguransa ba FM abandonadu

Xefe Estadu Maior  Jeneral FALINTIL-Forsa Defeza Timor-Leste (F-FDTL)   Majór Jeneral, Lere Anan Timur, preokupa maka’as ho seguransa iha Fronteira Marítima (FM) entre Timor-Leste ho Austrália no mos nasaun sira seluk, tanba iha tasi abandonadu hela.

“Ohin loron ita hot-hotu hatene katak, komponente Naval sai nain ba Tasi Timor Leste ninian, ita agradese ita-nia maun bo’ot Xanana Gusmão, Comandante em Chefe das FALINTIL, ho ninia esforsu tomak, ho ninia kompromisu ohin loron ita iha ita-nia fronteira marítima rasik ne’ebé delimita entre ita ho nasaun seluk, identifika ita-nia soberania nu’udar nasaun ida ne’ebé livre, independente, soberanu. Maibe ita-nia fronteira tasi, seguransa tasi ita dehan katak, ita nu’udar nain ba tasi, maibe ita seidauk sai nain lolós. Tanba ohin loron ita-nia seguransa, ita-nia fronteira kona-ba seguransa abandonadu hela. Tanba ida ne’e mak ha’u husu ba Prezidente Repúblika, nu’udar komandante supremu forsa armadas nian atu hato’o ami-nia preokupasaun ida ne’e ba ita-nia Governu. Ita presiza meius atu bele asegura ita-nia soberania, alende asegura ita-nia riku soin ne’ebé iha ita-nia tasi-laran, presiza preokupasaun responsabilidade ita-nia Governu ninian. Ida ne’e so akontese iha medida lei programasaun militar ou iha disponibilidade finanseiru país,  pois ita mos iha perfeita nosaun katak, rekursu finanseiru tinan ida ne’e, tenke ordena tuir prioridade interese nasionál nian,”esplika Xefe Estadu Maior  Jeneral FALINTIL-Forsa Defeza Timor-Leste (F-FDTL)   Major Jeneral Lere Anan Timur, liu husi diskursu iha aniversáriu Komponente Naval F-FDTL ba dala 18 iha Hera.

Lee hotu :   Tama semana ikus ba Natal, AIFAESA bandu operador ekonomia fa’an sasan liu prazu

Lere Anan Timur  akresenta, agora tempu ona ba governu atu investe  ekipamentu no kapasitasaun rekursu humanu ba F-FDTL  hodi bele garante seguransa soberania tasi Timor.

“Ha’u  núdar Xefe Estadu forsa armada husu ba sua exelensia Prezidente Repúblika  atu hato’o ou bele hateten ba  governu  ka tempu to’o ona  atu ultrapasa difikuldade hirak ne’e profisionaliza ita-nia forsa  armada”,dehan Lere Anan Timur.

Alende ne’e Lere  husu membru F-FDTL ténki leal ba instituisaun no leal ba rai doben Timor-Leste  hodi servi povu.

F-FDTL tenki unidade metin iha bandeira RDTL

Xefe Estadu Maior  Jeneral FALINTIL-Forsa Defeza Timor-Leste (F-FDTL)   Major Jeneral Lere Anan Timur husu ba membru   forsa armada ténki unidade  metin nafatin  iha bandeira RDTL.

“Komponente Naval  mane ka feto  ne’ebé servi iha F-FDTL  atraves de lideransa esklaresida  ida  ne’ebé kompetente  ténki  unidade metin iha  iha bandera RDTL, ténki hatene fó onra no prinsipiu   ne’ebé halo  ita sai povu ida  ne’ebé sai ponte sai forte nunka  dejisti  hakarak manan nafatin  mesmu ho obstaklu  no difikuldade sira boot”, esplika Xefe Estadu Maior  Jeneral FALINTIL-Forsa Defeza Timor-Leste (F-FDTL)   Major Jeneral Lere Anan Timur, liu husi diskursu iha aniversáriu Komponente Naval F-FDTL ba dala 18 iha Hera.

Tanba  ne’e Lere   husu ba F-FDTL sira ténki haree malu  no hadomi malu nudar maun alin ténki leal ba insitisaun no leal ba imi-nia rai  ran fakar  fatin.

“Ha’u  hakarak aproveita oportunidade ida ne’e  hodi hatoo ha’u -nia parabens ba  imi marineiru no fujileiro nia loron  festival ida ne’e tanba imi serve no fó onra ba patria  liu husi komponente  Naval. Imi-nia abnegasaun  konstitui aktu de esaltasaun ida ba memoria  no atributu  ba valoriza eroi  Veteranu kombatante no libertasaun  rai ida ne’e nian durante  tinan 24  nia laran. Ha’u apela ba imi atu tau atensaun  hodi kaer metin  ba valore patriotizmu”,dehan Lere Anan Timur.avi

Add to Comments Here!!!!

error: Content is protected.
Secured By miniOrange
You might also like:
Crise política e económica mantém-se em Timor-Leste, Ramos Horta: A origem está no PR ‘Lú Olo’

O ex-Presidente da República (PR), José...

Governu lansa primeira pedra ba konstrusaun edifísiu PNTL ■Komunidade afetadu seidauk hetan indemnizasaun

Ministru Defeza no Interior Interinu Filomeno...

SETP: Komunidade okupa rai Estadu sei la hetan indemnizasaun

Sekretáriu Estadu Terras no Propriedade (SETP),...

Close