GMN TV Economia MTK iha tabela presu tikete ba kada aviaun

MTK iha tabela presu tikete ba kada aviaun

Ministru Transporte no Komunikasaun (MTK), José Agostinho hateten, MTK iha tabela ba presu tikete ba kada aviaun, durante ne’e MTK so halo kontrolu ba ajensia ne’ebé oferese tikete ba Ministériu.

“Iha akordu entre MTK ho airline sira, aprova kedas flight approval tabela presu tikete mínimu no másimu ba kada aviaun tuir klase ne’ebé mak iha”, Ministru José Agostinho, hato’o asuntu ne’e ba Jornalista sira Kuarta (12/02/2020) iha Pálasio Governu, relasiona deklarasaun deputada CNRT, Veneranda Lemos, ne’ebé  husu ba Ministériu Transporte no Komunikasaun atu regulariza no kontrola presu billeti aviaun nian ne’ebé tun no sa’e tuir kompaña nia hakarak.

Governante ne’e hateten, kada aviaun ho nia presu tikete minimu USD 80 to’o USD 90 no másimu ne’e iha USD 230. Agora ba presu ne’ebé iha liu hosi tabela no oinsa mak atu halo kontrolu ida ne’e depende, tanba MTK nia responsabilidade mak halo kontrolu ba ajensia travel, ne’ebé oferese tikete ba Ministériu tuir presu tikete tabela flight approval ne’e.

 “Maibé ba seluk ida ne’e kabe ba kompetensia ida-idak atu kontrola, tanba MTK iha lista maibé difisil atu halo kontrolu, tanba ajensia sira halo kontratu ho ema kontratante ketak-ketak no la hanesan”,esplika governante ne’e.

Nia dehan, karik iha membru governu no fúnsionariu hosi Ministériu ida mak halo viazen ba rai liur kuandu haré presu tikete fora hosi tabela, entaun bolu ajensia travel ne’ebé sira halo kontratu hodi husu konaba folin tikete, tanba ida ne’e hanesan maneira kontrola.

José Agostinho informa, polítika MTK oinsa adopta hodi ajuda normaliza situasaun folin tikete, no oinsa mak hatama tan airlines, nune’e bele iha kompetisaun presu, tanba selae aviaun rua deit presu tikete aviaun mosu nafatin problema.

“Ita espera iha tempu badak, MTK liu hosi Autoridade Aviasaun Sivil (AAS) esforsu makas hela oinsa mak hatama tan airlines ruma, nune’e bele halo regular flight. Airlines sira ne’ebé mak durante ne’e iha hanesan, Citilink Sriwijaya no Transnusa sira nia estatutu charter ida ne’e ligasaun bussiness ho business inklui drak air”.

Iha parte seluk, Sales Reprezentativ Sriwijaya Air, Mario Ximenes hatete, desde inisiu Sriwijaya define kedas nia presu tanba bazea ba presu akordu entre governu Indonézia ho governu Timor-Leste.

“Ami iha presu tikete hahú hosi 130 to’o 230, ne’ebé ami la sai hosi akordu ida ne’e no durante ne’e ami mantein ho presu ida ne’e tuir akordu ne’ebé iha”,tenik nia.

Nia subliña, konaba preokupasaun deputadu sira ba folin tikete, parte Sriwijaya sei haré tanba ida ne’e bussiness no Sriwijaya mós iha nia Diresaun, entaun atu foti desizaun ba presu tikete tun ou sae ida ne’e kompetensia hosi Diresaun Sriwijaya iha Jakarta, Indonézia.Fel


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker