Sirkulasaun osan falsu iha TL, BCTL seidauk simu informasaun ruma

Relasiona ho informasaun ne’ebé espalla iha media sosial (MEDSOS) facebook  kona-ba osan falsu ne’ebé sirkula iha Timor-Leste (TL), maibé to’o oras ne’e, Banku Sentral Timor-Leste (BCTL), seida’uk simu informasaun ruma.

“Kuandu detekta iha osan falsu obrigatóriu sira tenke informa mai iha banku sentral, tenki rejista iha banku sentral, maibé iha kazu espesifiku ne’e seidauk simu insformasaun ruma husi banku sira husi entidade ruma seidauk iha informasaun ruma,” Governador BCTL, hatutan.

“Banku sentral mak iha infrastrutura atu detekta osan falsu, banku sentral iha, ita iha unidade espesial kona de’it ba asuntu ne’e iha aparellu espesifiku kona-ba ne’e, ne’e hanesan infrastrutura, banku sentral hakarak fokus maka oinsa mak kompartilla informasaun ba públiku no eduka públiku, nune’e simu osan falsu imediatamente hateten kedas ne’e falsu”, hateten, Governador BCTL, Abrão de Vas Conselho, ba Jornalista sira iha Edifísiu Akait, Segunda (02/03/2020).

Abrão esplika, BCTL iha fasilidade rasik atu detekta osan falsu sira, maibé banku sentál husu ba komunidade sira, atu fó informasaun ba BCTL bainhira simu osan falsu, nune’e bele rejista iha banku, hodi bele hatene falsifikasaun ba osan hirak ne’e.

Ho informasaun ne’e BCTL halo ona enkontru ho unidade finanseira, atu kontribui mós ba asuntu refere hodi haree no fó atensaun ba asuntu ne’e.ina