EE fó impaktu ba setór privadu iha rai-laran

Diretór Kompañia Tinolina, Agustinho Gomes, hatete, implementasaun Estadu Emerjénsia (EE) fó implikasaun ba setór privadu sira iha rai-laran.

Emprezáriu Timor-oan, Agustinho Gomes, konsidera, ekonomia iha rai-laran la’o hakdasak, hahú husi situasaun polítika ka inserteza polítika iha tinan 2017, to’o mai situasaun atuál, li-liu implementasaun Estadu Emerjénsia.

Estadu Timor-Leste, vigora iha situasaun Estadu Emerjénsia, hahú iha loron (28/03) no sei remata iha loron (26/04), relasiona ho surtu global, ne’ebé mak invade ona nasaun barak iha mundu, inklui mós Timor-Leste.

Ho situasaun ne’e, na’in ba Kompañia Tinolina, Agustinho Gomes, esplika, implementasaun ne’e, fó impaktu ba kompañia, ka setór privadu sira, tanba laiha orsamentu atu halo pagamentu.

“Estadu Emerjénsia ne’e só para mai halo grave liu tan, halo aumenta tan de’it para ami sai aat liu tan, hahu husi 2017 mai to’o agora ami sei dada iis, agora Estadu Emerjénsia ne’e mai para oho ami liu tan, ami situasaun difísil liu setór privadu nasionál difísil liu, la’os tanba situasaun Emerjénsia ami nia situasaun mai kedas 2017 ho inserteza polítika i depois mai tan ho Estadu Emerjénsia”, Lia hirak ne’e hato’o husi, Diretór Kompañia Tinolina, Agustinho Gomes, ba GMN, iha nia rezidensia, Fomentu, Segunda (20/04/2020).

Tuir, Agustinho, orsamentu ne’ebé mak, governu foti husi fundu petrolíferu (FP) ho montante, Tokon USD 250 Governu presiza jere ho didiak, nune’e bele fó apoiu mós ba kompañia hirak ne’ebé mak hala’o sira, nia atividade iha rai laran.

Emprezariu ne’e aprofunda liutan, sira sai vítima ba situasaun atual liu-liu implementasaun Estadu Emerjénsia, tanba la’os ba emprezariu ne’e de’it, maibé Kuaze Emprezariu Nasionál.ina