FP tokon USD 250 ba mós prevensaun COVID-19

Pedidu Levantamentu Fundu Petrolíferu (FP) ho montante tokon USD 250, la’os, atu reforsa de’it ba kofre Estadu, maibé, ba mós prevensaun Corona Virus Disease (COVID-19)

Fundu refere órgaun lejislativu fó kompetensia ba liña ministériu tolu, hanesan ministériu finansas, ministériu negósiu estranjeiru no kooperasaun inklui ministériu saúde, hodi bele jere osan hirak ne’e ho di’ak.

“Ita iha mós osan montante ida ba iha hodi kapasita no hakbiit ita atu responde ba coronvírus ne’ebé agora mai, tanba ne’e mak hanesan ita boot sira hatene parlamentu fó kedas kompetensia ba ministério 3 hodi jere osan ne’e ministério finanças, negósiu estranjeiru no saúde i naturalmente sira no ami hotu halo esforsu para aplika osan ne’e ho di’ak tuir nesessidade ita ni’an”, dehan, Primeiru Ministru, Taur Matan Ruak, iha Palasiu Prezidensial Nicolao Lobato, Bairro-Pite, Kuarta (08/04/2020).

Pedidu Levantamentu husi parlamentu nasionál PN, Xefe Estadu promulga no haruka ba parlamentu nasionál iha segunda loron (06/03/2020) no públika ona iha Jornal da Repúblika.

Enkuantu, pedidu levantamentu fundu petrolíferu husi governu ne’e, parlamentu nasionál aprova iha loron (02/04) ho votus unanimidade.Ina