Governu aprova ona sosa fós iha Vietname

Governu liu husi Konsellu Ministru (KM),aprova proposta sosa fós husi nasaun Vietname. Proposta ne’e aprova iha, Kinta (23/04/2020), iha salaun auditoriu Kay Rala Xanana Gusmão, Ministeriu Finansa.

Tuir komunikadu ne’ebé GMN simu, husi Prezidensia Konsellu Ministru, informa katak, enkontru entre membru governu ne’e, aprova proposta ne’ebé propoin husi, Ministru Koordenador Asuntu Ekonómiku, Fidelis Leite Magalhães, kona-ba sosa fós husi Vietname.

Hodi reforsa stok fos ne’ebé dadaun ne’e, eziste hela no hodi bele hatan ba situasaun, susar ruma ne’ebé bele mosu karik durante pandemia COVID-19.

Alénde ne’e, iha Konsellu Ministru, Ministru Saúde Interinu, Bonifácio Maukoli, aprezenta pontu situasaun kona-ba pandemia COVID-19 iha rai laran.

To’o dadaun ne’e, rejistu kazu pozitivu 23,ne’ebé konfirmadu ema sira ne’ebé infetadu ho Coronavirus foun no provável 4.

Enkuantu iha Konsellu Ministru ne’e mós, anunsia kampaña semanál, hamutuk ho organizasaun nasoens unidas hodi basa liman ba heroi Timorense.

Atu hatudu ba públiku nia laran luak, ba traballadór ne’ebé servisu hamriik iha liña oin, hodi hatán ba COVID-19.

Tanbe ne’e, enkoraja ema hotu iha Timor-Leste, atu basa ronda, basa liman semana-semana, iha Tersa feira iha tuku hitu durante minutu 5, iha idak-idak nia uma hahú husi Tersa feira (24/04/2020) abril ne’e.Cin