JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

INSS hahú halo pagamentu 60% ba kompañia 610 no motorista 290

INSS hahú halo pagamentu 60% ba kompañia 610 no motorista 290

Institutu Nasionál Seguransa Sosiál (INSS), ohin Segunda (22/06/2020), hahú halo pagamentu subsídiu 60%, ba kompañia hamutuk 610 inklui mos motorista hamutuk 290.

Prezidente Institutu Nasionál Seguransa Sosiál, Longuinhos Armando haktuir, kompañia ne’ebé rejistu iha, Institutu Nasionál Seguransa Sosiál (INSS), hodi hetan apoiu 60% hamutuk 1.213, maibé faze verfikasaun, kompañia 610, mak Governu sei halo pagamentu.

“Ba subsídiu ida ne’e konformi pedidu ne’ebé husi kompañia sira hatama, iha kompañia balun husu Governu rembolsa, iha kompañia balun husu Governu atu kompleta deit, 60% tuir diploma ministeriál nian, iha balun husu fulan 2 no balun husu fulan 3, ami ho ekipa tekniku sira reve fila fali, kompañia ne’ebé mak presiza selu fulan 3 ou 2,” dehan, Prezidente Institutu Nasionál Seguransa Sosiál, Longuinhos Armando, iha nia kna’ar fatin MSSI, Sesta (19/06/2020).

Longuinhos esplika, kompañia ne’ebé rejistu husu atu Governu fó apoiu 60% hamutuk 1.213, no agora dadaun pronto atu halo pagamentu, ba 60% hamutuk, 610 ne’ebé nia prosesu administrasaun klaru ona, no kompañia seluk tekniku sira sei halo verifikasaun.

Longuinhos mos hatutan, ba motorista sira ne’ebé hatama, proposta besik 900 resin maibé INSS, halo hela verifikasaun, no sira ne’ebé mak prontu ona halo pagamentu, hamutuk 290 resin tama kriteria, no seluk sei iha faze verifikasaun.

“Proposta ne’ebé mak ita hato’o ba Ministeriu Finansas, husu montante osan millaun USD 11, maibé agora dadaun ne’e Governu liu husi, MF tranfere uluk millaun USD 7 tamba ne’e, hahú halo ona pagamentu ba 60%,” tenik, Longhuinos.

Prezidente INSS mós husu ba, kompañia 603 ne’ebé mak seida’uk kompleta dokumentus, hodi hetan subsidiu 60% presiza kompleta lai dokumentu, atu nune’e INSS bele halo ona pagamentu, bainhira la kompleta INSS sei la halo pagamentu.

Lee hotu :   FDCH halo ona estudu boot tolu

“Institutu Nasionál Seguransa Sosiál, inisia pagamentu subsídiu extraordinaria ne’ebé diriji ba entidade, empregadóra no ba traballadór, ne’ebé hato’o rekirementu no kompleta ona dokumentus nebe nesesariu, tuir rekezitu ne’ebé previstu iha diploma ministérial númeru (17/2020, 05 de Maio), husi dekretu lei numeru (16/2020, 30 de abril), kona-ba medida apoiu ba empregu iha ambitu COVID-19,” afirma, Longuinhos. Cin

Add to Comments Here!!!!

error: Content is protected.
Secured By miniOrange
You might also like:
Selebra aniversáriu ba dala-74, Xanana husu povu tomak harii domin no dame

Líder karismátiku Kayrala Xanana Gusmão, husu...

UPF kontinua kaptura sidadaun movimentu ilegal

Komandante Unidade Patrullamentu Fonteira (UPF), Superintendente...

SIJK entrega apoiu ekipamentu prevensaun COVID-19 ba seguransa iha fronteira

Sentru Integradu Jestaun Krize (SIJK) entrega...

Close