Kompañia Santos sei halo perfurasaun ba mina matan tolu iha tasi Timor

Ministru Petróleu No Minerais (MPM), Víctor da Conceição Soares, hateten, kompañia Santos, sei halo perfurasaun ba mina matan tolu iha Tasi Timor.

“Agora dau-daun Bayu Undang kompañia Santos husi Brazil mak kaer, no ha’u koalia ona ho sira no sira hateten, iha tinan 2020 kontratu entre Governu Timor-Leste ho kompañia Santos remata, no saida mak sira iha atu bele kumpre kalendariu ne’ebé estabelese, tanba ita hatene ona katak hela tinan rua, mina ne’ebé supa sai menus ona, hela de’it mak bee foer”, dehan, Ministru Petróleu Rekursu no Minerais, Víctor da Conceição Soares, iha Palásiu Governu foin la-lais ne’e.

Governante ne’e esplika, ho ida ne’e Governu dudu kompania atu mantein iha ne’eba, no sira iha planu atu halo perfurasaun tan ba posu rua ou tolu, atu nune’e posu hirak ne’e iha potensial di’ak, bele produs nafatin to’o tinan 2022, tanba ne’e Bayu Undang sei mantein hodi kumpre sira nia kalendariu.

“Sira kompremetidu hodi kontinua fo lukru ba ita nia Estadu, depois de 2022 ne’e sei iha tempu atu sira mos hanoin, no ita mos hanoin Governu nia hakarak, sé bele prolonga tan, halo fali kontratu foun, maibé ne’e depois tinan 2022 mak ita bele haree”, tenik, Ministru Víctor. Cin

Leave a Reply

Your email address will not be published. Required fields are marked *