Camilo: Imposivel Governu ezekuta hotu OJE 2020 fulan rua nia laran

Observadór Polítiku Universidade Nasionál Timor Lorosa’e (UNTL), Camilo Ximenes, hateten, imposível ba Governu ezekuta hotu Orsamentu Jeral Estadu (OJE), tinan 2020 ho montante USD billaun 1.4, iha tempu fulan rua nia laran.

Ho OJE tinan 2020, ne’ebé mak Governu sei aprezenta ba Parlamentu Nasionál (PN), iha fulan ne’e, hodi halo diskusaun, maibé dosente UNTL, Camilo Ximenes konsidera, imposível tebes ba Governu atu ezekuta hotu orsamentu refere iha fulan rua nia laran.

Camilo Ximenes hateten, situasaun refere sai dezafiu bo’ot ba Oitavu Governu Konstitusionál, ne’ebé lidera husi Xefe Governu, Taur Matan Ruak, maske estrutura Oitavu Governu kompletu ona.

Tuir Camilo, Orsamentu Jerál Estadu (OJE) tinan rihun rua rua nulu, posibilidade atu selu de’it dívidas Estadu ni’an.

“Ita rona dehan katak 1.5 ne’e ba orsamentu Estadu 2020 mak ne’e entermu hela de’it fulan 2, ha’u fiar katak bele dehan laiha posibilidade atu bele gasta hotu orsamentu ida ne’e, tanba ami hatene katak orsamentu DOT ne’e ami labele halo atividade ne’ebé imposivel, ami bele gasta ita hotu hatene katak 5 mill de’it mós aban atu hotu ona mak ohin, aban atu hatama relatóriu mak ita foin halo, ha’u hanoin ita atu koloka iha ne’ebé di’ak liu osan ne’e fila fali ba iha kaixa Estadu, tanba ne’e mak difísil tebes ba orsamentu sira ne’ebé mak hanesan ne’e, talvez hela de’it fulan 2 de’it ita labele ezekuta tuir planu orsamentál”, dehan, Observadór Polítiku UNTL, Camilo Ximenes ba GMN, iha Caicoli, Segunda (31/08).

Oitavu Governu sei aprezenta hikas Orsamentu Jerál Estadu (OJE) tinan 2020 ba PN, iha loron15, fulan Setembru, hodi halo diskusaun, hafoin xumba iha faze jeneralidade iha fulan Janeiru liu ba, tanba vota kontra husi bankada CNRT, ne’ebé iha momentu ne’eba hola parte mós iha Governu da-ualu.

Tuir planu, Governu sei aprezenta mós Orsamentu Jerál Estadu tinan 2021 ba PN, iha loron 15, fulan Outobru, tinan ne’e, hodi halo diskusaun. Ina

Leave a Reply

Your email address will not be published. Required fields are marked *