JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Jurista Avelino dezafia Governu foti osan FP liu 3%

Jurista Avelino dezafia Governu foti osan FP liu 3%

Jurísta Timoroan, Avelino Coelho, dezafia Governu atu foti osan Fundu Petrolíferu (FP) liu 3% hodi dezenvolve ekonomia rai-laran, maibé Visé Ministra Finansa (VMF), Sara Lobo Brites, afirma, jurista Avelino bele fó nia ideia, maibé Governu mantein ho 3%.

“Ha’u ema ne’ebé la aséita foti deit 3% hodi finansia Orsamentu Jeral Estadu (OJE), balun mai ho presépsaun katak poupansa tanba, Estadu haree katak, únika forte de reseita Estadu nian mak mina-rai”, dehan, Jurísta Avelino Coelho, iha Palásiu Nobre Lahane, Tersa (25/08/2020).

Avelino afirma, maibé Estadu haluha tiha katak, fundu mina-rai ou rikusoin mina no gas ne’e, to’o tempu ida nia séi hotu, hahú husi tinan 2002 bainhira Restaura Independensia, Timor-oan rasik mak jere fundu mina-rai, ne’e bele foti deit saldo 3%, maibé Governu presiza justifika hodi foti liu saldo’, tanba lei bele fó dalan.

Jurista Avelino esplika, iha 2003 teori ikus balun hateten, nesésáriu rezerva hela rikusoin husi mina-rai ne’e ba jerasaun tuir mai, maibé iha tinan 2003-2007 ema kiak ladun barak, tanba saída iha momentu ne’ebé foti osan FP liu 3%, hodi rezolve kedas problema ema kiak.

“Iha momentu ne’ebé tuir ami nia hanoin atu foti 50% reséitas husi FP, hodi investe iha aktividade produtivas, transforma agrikultura anterior, mai iha agrikultura modernu”, tenik, Jurista Avelino.

Hatán ba kestaun ne’e, Visé Ministra Finasas (VMF), Sara Lobo Brites, hateten, ema hotu bele fó nia ideia, maibé Governu mantein ho 3%, tanba reséitas mina-rai la kleur tan bele remata, ho ida ne’e laiha nesésáriu atu muda.

“Doutor Avelino bele fó nia ideia, maibé Governu mantein ho 3%, tanba ita haree katak reséitas mina-rai la kleur tan bele remata, bainhira koalia kona-bá sustentabilidade, ita tenke aségura katak osan ne’ebé mak ita foti husi 3% ou liu ida ne’e ba OJE tenke konverte duni ba ekonomia”, afirma, Visé Ministra ne’e.

Lee hotu :   FDCH halo ona estudu boot tolu

Governante ne’e hatutan, konverte ekonomia hodi bele promove fila-fali ekonomia rai laran, atu nune’e bele iha fali reséitas ba Estadu, tanba ne’e laiha nesésáriu atu muda.

“Ha’u hanoin Governu nia pozisaun klaru katak 3% ne’e mak lei permite ba Governu atu foti, agora desizaun sémpre foti liu husi 3%, hodi finansia infraestrutura, esénsiais ne’ebé mak bele promove dezenvolvimentu no bele promove ekonomia rai laran”, afirma, Sara Lobo.

Visé Ministra Finansa subliña liu tan, mekanizmu ida kona-bá 3% ne’e mais dezenvolvidu, tanba tenke sukat rekursu minerais, rasik tenke sustentavel no tenke aségura katak, la’os de’it atu gasta hotu kedas, iha jerasaun ida agora, maibé tenke rezerva ba jerasaun tuir mai. Cin

Add to Comments Here!!!!

error: Content is protected.
Secured By miniOrange
You might also like:
UDT/FM deskorda harii rezidénsia ba deputadu sira

Deputadu bankada UDT/FM, Francisco David Carlos,...

PSIK detein suspeitu na’in rua soe bebé iha Ailok-Laran

Polísia Siéntifika Investigasaun Kriminál (PSIK) ezekuta...

KKLN sei halo levantamentu dadus ba Timor-Oan mate ba ukun-an

Sekretáriu Estadu Asuntu Kombatente Libertasaun Nasional...

Close