JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kompañia Santos sei baku tan mina matan tolu iha Bayu Undan

Kompañia Santos sei baku tan mina matan tolu iha Bayu Undan

Reprezentante Kompañia Santos, José Lobato, informa, kompañia Santos, halo hela diskusaun ho Autoridade Nasional Petroleu Mineral (ANPM), hodi baku tan mina matan tolu, iha Bayu Undan.

“Ami hato’o mós kona-ba planu investimentu balun, ne’ebé iha relasaun ho Bayu Undan, estimasaun ba produsaun Bayu Undan nini’an, ho mina matan ne’ebé iha mais ou menus sei to’o de’it Janeiru 2022, ne’e estimasaun klaru dalaruma bele akontese antes 2021 ou bele mós iha 2023,” dehan, reprezentante Kompañia Santos, José Lobato, iha Palásiu Governu, Kinta (13/08/2020).

José esplika, diferensa mak ne’e, husi kompañia ConocoPhillips laiha, liu tan iha Bayu Undan, maibé Kompañia Santos iha hanoin katak, bele investe tan iha Bayu Undan, atu baku tan mina matan tolu.

“Investimentu ida ne’e mais ou menus, ho osan montante tokon USD 200 resin, dau-daun ne’e ita iha diskusaun ho ANPM nu’udar regulador setor petroleum ni’an,” tenik, Reprezentante Kompañia Santos ne’e.

Nia subliña liu tan, bainhira investimentu ne’e aprova husi ANPM, ne’ebé bele naruk tan produsaun mina ni’an, mais ou menus tinan ida tan.

“Antes ne’e ami lori ConocoPhillips mai esplika ba Povu Timor-Leste katak, estimasaun produsaun to’o Janeiru 2022, ida ne’e ho mina matan ne’ebé iha ona, agora ita baku tan mina matan tolu, ne’e bele dada naruk tan produsaun ne’e ba tinan ida,” informa, José Lobato.

Tuir Reprezentante Kompañia Santos ne’e, ho krize COVID-19 ne’e presu mina tun, maibé dau-daun ne’e presu mina hahú sa’e.

“Presu mina ho krize COVID -19 nini’an ekonomia mundu tun, ita pasiar mós menus, entaun ita presiza mina mós menus, momentu ne’eba presu mina tun, agora komesa sa’e fali uitoan,” afirma, José Lobato. Cin

Lee hotu :   PN husu MTK regula presu billete aviaun

Add to Comments Here!!!!

error: Content is protected.
Secured By miniOrange
You might also like:
Governu sei implementa projetu planu mestre iha Díli

Sekretariu Estadu Protesaun Sivíl (SEPS), Joaquim...

Konserva biodiversidade MAP realiza enkontru ho KI

Atu hamosu polítika konservasaun ba biodiversidade...

SLXG-YCC selebra loron mundial juventude

Sala leitura Xanana Gusmão (SLXG) hamutuk...

Close