JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Rui Castro: TL kontente liu ho produtu importasaun duke rai-laran

Rui Castro: TL kontente liu ho produtu importasaun duke rai-laran

Prezidente Movimentu Asaun Ekonomia Komunitária (MAEKOM), Rui Castro, konsidera, ekonomia rai-laran monu, tanba Governu Timor-Leste (TL) kontente liu ho produtu importasaun, duke produtu rai-laran.

“Situasaun COVID-19 ne’e hanesan oportunidade atu konsolida no halo reflesaun atu konsumu ita nia ai-han rasik no tempu atu prodúz produtu rai-laran hanesan foos, fore-keli, batar, ita la aproveita ida ne’e, maibé ita kontente fali ho importasaun, ita hasa’i ita-nia osan hola foos husi liur, depois membru Governu ba loke segel, iha tempu hanesan Timor rasik mós kolleta hare, entaun sé foos ne’e mak ita la han sei fuhuk hotu”, Prezidente MAEKOM liu husi sesaun Talk Show ho tópiku Rekoperasaun Ekonomia TL Relasiona ho Pandemia Surtu COVID-19 ne’ebé realiza iha Sentru Informasaun ba Impaktu COVID-19, FONGTIL, Caicoli-Díli, Tersa (18-08-2020).

Rui esplika, dalabarak halo kampaña furak ba produtu lokál, maibé Timor-Oan la fiar nia produtu, tanba ema hotu kontribui hahú husi líder to’o povu dependensia ba produtu estranjeiru, nune’e restorante no supermerkadu husi liur la gosta fa’an produtu Timor-Leste ni’an.

Nune’e mós, Diretora PARCIC Timor-Leste, Junko Ito, observa durante ne’e konsumidór ba produsaun rai-laran maioria husi sidadaun estranjeiru ne’ebé hala’o servisu iha Timor-Leste, maibé tanba COVID-19 tenke fila ba sira-nia rai.

“Ami akompañia produtu lokál la folin, ita tenta atu fó merkadu di’ak ba produtu lokál, maibé depois de COVID-29 ne’e fó impaktu tebes”, tenik Junko.

Membru Komisaun Elaborasaun Rekoperasaun Ekonomia, Manuel Lito Vong mós informa, Timor-Leste iha rai ho potensia boot kuaze hektare 80, maibé maioria povu la utiliza, hodi hasa’e produsaun rai-laran ni’an.

Durante ne’e agrikultór sira utiliza de’it rai hektare 10, hodi halo produsaun, nune’e sei labele garante ai-han ba nasaun tomak, nune’e obriga Governu tenke buka solusaun husi rai-liur.

Lee hotu :   Implikasaun husi impase polítiku, Empreza 94 taka, Timor-oan 1000 lakon servisu

“800 e tall milhoens toba hela iha banku, tanba laiha setór privadu mak impresta, merkadu boot liu mai ita mak agora sai membru ba ASEAN no CPLP, enkuantu merkadu rai laran ne’e 1.3% de’it ne’e ki’ik-oan, maibé ita han de’it mós la to’o, sei ita hala’i to 50 mill hektares ita bele diversifika ekonomia, karik ne’e halo ha’u fiar katak ita-nia dependensia ba mina-rai sei ladun”, esplika Membru Komisaun ne’e.

Husi sorin seluk, Prezidente Komisaun D Parlamentu Nasionál (PN), ne’ebe trata Asuntu Ekonomia no Dezenvolvimentu, Antonino Bianco, hateten, kapasidade Governu rasik iha frakeza hodi halo jestaun ba rekursu umanu no rekursu naturais, nune’e la konsege transforma sai kapitál produtivu.

Rekoperasaun bele la’o di’ak, maibé tenke tuir kapsidade Governu ni’an, ministériu sira hanesan agrikultura produz, entaun indústria tenke transforma no parte komersiu tenke hatene oinsa atu fa’an katak, planeamentu integradu atu produz, hodi bele fa’an no han, nune’e interligadu. Wainhira Governu la kria kondisaun no hadi’a uluk infraestrutura mak sei taka dalan ba investór rai-liur, hodi halo produsaun iha rai-laran. ida

Add to Comments Here!!!!

error: Content is protected.
Secured By miniOrange
You might also like:
PTR seidauk iha komunikasaun ho MJ kona-ba rejistrasaun partidu foun

Prezidente Tribunal Rekursu (PTR), Deolindo dos...

Semana oin MP destroi matéria báziku droga

Prokuradór Jerál Repúblika (PJR), José da...

PN deside hatúr meza foun iha 4 de Setembro

Reprezentante sira bankada Parlamentár iha Parlamentu...

Close