Situasaun polítika rai-laran fó impaktu ba setór turizmu

Diretór Jerál Turizmu, José Filipe Dias Quintas, konsidera problema polítika iha Timor-Leste fó impaktu maka’as ba jestaun turizmu rai-laran, inklui kondisaun fatin turizmu bee-manas Marobo ne’ebé dau-daun ne’e kondisaun ladún kontrola ho di’ak.

“Importante prezisa halo buat ruma, públiku mós akompañia, dezenvolve setór turizmu, ita koalia kona-bá investimentu, sé karik investimentu mak osan laiha labele halo buat ida, situasuan iha Marobo ne’ebé koñesidu iha parte oeste ni’an situasaun ita haree ho matan, maibé ne’e realidade, ita labele dehan buat hotu la’o di’ak, presiza intervensaun Governu no parte hotu”, Diretór Jerál Turizmu ne’e ba GMN iha ninia kna’ar fatin, Lecidere-Díli, Segunda (10-08-2020).

José informa, dau-daun ne’e Governu prepara oan ekipa servisu interministeriál, nune’e setór turizmu bele hetan apoiu husi setór seluk hanesan infraestrutura báziku, ekonomia no inklui, komunidade nia apoiu.

“Hahú kedas iha tinan 2007 no ba haree fatin iha munisípiu 13, ita sei haree mós ba dezenvolvimentu ba alojamentu, restaurante, artezenatu, maibé ba futuru sei kontinua, Orsamentu Jerál Estadu (OJE) tinan 2020 no tinan 2021 ne’e sei konsentra ba turizmu de baze komunitáriu, hodi apoiu no involve komunidade iha foti desizaun no rona husi sira, tanba dezenvolve ba komundiade hela besik iha área ne’ebá no wainhira la fó benefísiu mak sira sei hamri’ik no halerik”, tenik Diretór Jerál Turizmu ne’e.

Dau-daun ne’e fatin turizmu ho vizitante barak liu mak Ramelau no jestaun iha fatin refere komesa la’o ona.

Turizmu ne’e labele servisu mesak, nia presiza infreaestutura bázika sira hanesan dalan, eletrisidade, bee, saneamentu no seguransa, atu nune’e bele atrai ema, enkuantu la la’o di’ak susar atu dezenvolve setór refere.

Entretantu Bee-Manas Marobo iha suku Ilatlaun, munisípiu Bobonaro konstrui no reabilita husi SEFOPE iha tinan 2015 ho USD rihun 4 resin ($498,860) ne’ebé inaugura iha loron 8, fulan Dezembru, tinan 2016, iha Sestu Governu Konstitusionál nia mandatu. ida

Leave a Reply

Your email address will not be published. Required fields are marked *