JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Diretór BNU: Governu mak ko’a veteranu nia osan USD 30 kada fulan, la’ós BNU

Diretór BNU: Governu mak ko’a veteranu nia osan USD 30 kada fulan, la’ós BNU

Diretór Banco Nacional Ultramarino (BNU), Paulo Lopes,  hateten, veteranu sira-nia osan kada fulan ko’a USD 30 ne’e la’os BNU mak ko’a, maibé Governu mak ko’a hodi tau ba fundu veteranu nian.

Paulo Lopes  esplika, oras ne’e dau-daun BNU iha kliente veteranu hamutuk rihun sanulu resin hitu atus rua resin, husi sira ne’e ema rihun lima resin iha kréditu ho BNU. Alende ne’e veteranu sira la selu bainhira halo manutensaun ba sira-nia konta.

Diretór ne’e salienta katak, ba kliente veteranu sira valor ba transférensia ne’ebé sira hetan  menus kompara ho kliente sira seluk. Kliente seluk bainhira simu transferénsia ruma iha sira nia konta, debitadu USD 1.95, maibé ba veteranu sira só selu de’it USD 1.45, só valor úniku ne’e mak BNU debita, tanba kustu ba prosesamentu ba pensaun veteranu sira nian.

“Banco Nacional Ultramarino iha kliente veteranu sira kada fulan halo pagamentu ba pensaun veteranu sira ne’e no durante ne’e nunka akontese BNU foti osan veteranu sira nian. BNU kredita iha konta, osan ne’ebé mai husi Governu, sé veteranu sira simu osan menus tiha USD 30 iha nia konta, ida ne’e husi Governu mak ko’a tiha montante ida ne’e. Tuir ami hatene konstitui tiha ona fundu ida ho osan USD 30 ne’e, maibé BNU la ko’a USD 30 no la simu orden ruma atu foti osan USD 30 ne’e. Osan ne’ebé mak mai husi Governu ida ne’e mak ami tau iha konta veteranu ida-idak nian”, deklara Diretór BNU, Paulo Lopes, iha nia knaar fatin Kolmera-Díli, Kinta (03-09-2020).

Koordenadór Sekretariadu Komisaun Instaladora Konsellu Kombatente Libertasaun Nasional, Vidal de Jesus “Riak Leman”, mós hateten, osan USD 30 ne’ebé kada fulan Governu ko’a atu rai iha Fundu Veteranu nian ne’ebé foin kria husi Governu, atu nune’e bele sustenta veteranu no sira-nia oan futuru.

Lee hotu :   Kapital fundu minarai sae ba biliaun $16,26

“Mekanizmu atu koa osan ne’e liu husi Ministériu Finansas (MF) no la liu husi banku. Tanba orsamentu ne’e iha MF ne’ebé antes atu kanaliza ba sira nia konta bankária osan ne’e koa tiha ona. Osan ne’ebé Governu koa ne’e atu tau ba fundu veteranu nian ne’ebé Governu kria ona. Osan husi fundu ne’e rasik sei benefísia veteranu sira no ba veteranu nia oan sira ne’ebé aban bainrua sei mai. Pur Ezemplu ha’u ema fumadór loron ida ha’u gasta osan ba sosa sigaru, nusa mak loron ida ha’u rai USD 1 ba ha’u nia oan nia futuru”, esplika Riak Leman.

Koordenadór Sekretariadu Komisaun Instaladora Konsellu Kombatente Libertasaun Nasional ne’e hateten, antes ne’e Sekretáriu Estadu Veteranu halo ona sosialisasaun ba veteranu no sira hotu-hotu konkorda katak fulan ida koa kada veteranu ida USD 30 ba sira (veteranu) ne’ebé simu pensaun sobrevivência (pensaun ida ne’ebé mak ba martir sira) ne’e fulan ida nia simu USD 230, sé fulan ida koa USD 30 husi nia konta ba loron ida, nia sei simu USD 200 kada fulan.

Fundu Veteranu oras ne’e dau-daun rai iha Banco Nacional Comérsio de Timor-Leste (BNCTL) no jere husi Sekretariadu Komisaun Instaladora Konsellu Kombatente Libertasaun Nasional. Riak Leman esplika, fundu veteranu ne’ebé rai iha BNCTL ne’e hamutuk USD tokon 6 ona  mai husi veteranu rihun 27 resin ne’ebé simu pensaun husi Governu. oct

Add to Comments Here!!!!

error: Content is protected.
Secured By miniOrange
You might also like:
Xanana husu jerasaun foun banati tuir ain-fatin mártir sira nian

Lider karismátiku Kay Rala Xanana Gusmão,...

Sosiedade sivíl konsidera F-FDTL serku sede RNDJK ne’e violénsia

Sosiedade Sivíl Asia Justice And Right...

Filomeno: Seidauk simu relatóriu membru F-FDTL serku rezidénsia Ângela Freitas

Ministru Defeza (MD), Filomeno Paixão, hateten...

Close