Relatóriu MPI hatudu TL ki’ak númeru 1 iha Ázia

Relatóriu Índice de Pobreza Multidimensionál (MPI), hatudu Timor-Leste (TL) primeiru lugar, ki’ak iha nasaun Ázia.

Tuir Ekonomista, João Mariano Saldanha, Índise Pobreza Multidimensional (MPI), Timor-Leste ki’ak tun husi porsentu 60 ba porsentu 41.8, tanba presu sasan iha merkadu la estavel no valór esportasaun husi Timor-Leste menus.

Saldanha rekoñese, relatóriu refere la’ós tinan 2020 ni’an, maibé relatoriu tinan rihun rua sanulu resin haat (2014).

“Debate kona-ba 41.8% ne’e ita ko’alia 2014 ni’an, ne’ebé ita ko’alia tinan 6 liuba kotuk ni’an ita la ko’alia kona-ba situasaun agora ninian ne’e trend sa’e ka tun ka para ita bo’ot sira hatene MPI ne’ebé tun husi 2010 to’o 2014 ne’e tanba inkluzivamente iha ne’eba ita nia kontribuisaun CDBI kresimentu ekonómiku ne’ebé ke double digit tinan 2 ka 3 nia laran ho pozitivu kresimentu ekonómiku entre 2012 to’o 2014 ne’e back up husi ne’eba mak MPI tun tinan-tinan durante tinan ha’at nia laran 7.7% tuir dadus ne’ebé ke sira fó sai,” dehan, João Mariano Saldanha ba GMN, iha Becora, Semana kotuk.

Tanba ne’e, Prezidente João Saldanha University (JSU), ne’e rekomenda, Governu presiza haforsa estabilidade polítika no estabilidade governativa, hodi bele dezenvolve área ekonomia iha rai laran, hodi nune’e Timor-Leste labele kontinua infrenta situasaun hanesan ne’e. Ina