Sirkulasaun fundu TL metade ba estranjeiru

Ekonomista Timor-Oan, Jõao Mariano Saldanha, hateten, Timor-Leste (TL), nia fundu metade sirkula ba estranjeiru, tanba Timor-Leste depende ba importasaun.

Maibé, ekonomista Timor-oan ne’e hateten, Timor-Leste atu labele depende ba, ai-han husi rai-liur, governu presiza investe, iha área importante hanesan, agrikultura, turízmu no seluk tan hodi bele trava osan labele sai ba estranjeiru.

“Governu inzeta osan balun tama iha ekonomia rai laran se la sala hahú husi fulan Juñu no Jullu mak selu fulan 2 dala ida osan kuaze tokon 80 nulu resin ekonomia rai laran, se ita nia ekonomia dependente ba importasaun maka barak osan ne’e metade mak halai sai ba liur tanba ita konsumsi sasan mai husi liur”, João Mariano Saldanha, hato’o lia hirak ne’e, wa’inhira partisipa iha programa Grande Entrevista, iha Studio II GMN, Bebora, Kinta (17/09).

Iha períodu pandemia COVID-19, Governu Timor-Leste mós liu husi Sentru Lojístiku Nasionál sosa foos ho tonelada rihun 30 resin, husi Vietname ho orsamentu tokon 15 hodi asegura stock foos. surtu COVID-19, ne’ebé sai mundiál fó impaktu negativu maka’as ba ekonomia rai laran.

Tuir dadus ne’ebé hatudu husi, Banco Central Timor-Leste (BCTL) hatudu katak, persentajen roda ekonomia Timor-Leste, tun ba porsentu neen, afeta husi pandemia COVID-19, halo atividade ekonómika rai laran paradu totál. Ina